ବାଲିଯାତ୍ରାରେ ମାଗଣାରେ ମିଳୁଛି ଡ୍ରେସ !

ଭୁବନେଶ୍ବର କୁଆଖାଇ ନଦୀ ପଠାରେ ଚଳିତ ବର୍ଷ ତୃତୀୟ ବାଲିଯାତ୍ରା ଆରମ୍ଭ ହୋଇଛି । ଏଠାରେ ଏକ ସଂସ୍ଥା ପକ୍ଷରୁ ବିନାମୂଲ୍ୟରେ ପୁରୁଣା ଡ୍ରେସ ଓ ଖେଳନା ଯୋଗାଇ ଦିଆଯାଉଛି ।

ଭୁବନେଶ୍ବର: ବାଲିଯାତ୍ରାରେ ମିଳୁଛି ବିନା ମୂଲ୍ୟରେ ପୁରୁଣା ଡ୍ରେସ୍। ଏକ ସଂସ୍ଥା ପକ୍ଷରୁ ବିନା ମୂଲ୍ୟରେ ପୁରୁଣା ଡ୍ରେସ ଓ ଖେଳଣା ଯୋଗାଇ ଦିଆଯାଉଛି। ଯାହା ଛୋଟ ପିଲା ଓ ବିଭିନ୍ନ ବୟସର ପୋଷାକ ସହ ଖେଳଣା ମଧ୍ୟ ମାଗଣାରେ ନେଇପାରିବେ ।

ଭୁବନେଶ୍ବର କୁଆଖାଇ ନଦୀପଠାରେ ଚଳିତ ବର୍ଷ ତୃତୀୟ ବାଲିଯାତ୍ରା ଆରମ୍ଭ ହୋଇଛି । ଏଠାରେ ପ୍ରଥମ ଦିନରେ କମ ମାତ୍ରାରେ ଷ୍ଟଲ ଖୋଲାଯାଇଛି । ଏହି ସମସ୍ତ ଷ୍ଟଲ ଭିତରେ ଏକ ଅଭିନବ ପ୍ରୟାସ ଦେଖିବାକୁ ମିଳିଛି । ଦୀର୍ଘ ବର୍ଷ ହେଲା ଏକ ସଂସ୍ଥା ପକ୍ଷରୁ ଗରିବ ମାନଙ୍କ ପାଇଁ ପୁରୁଣା ବସ୍ତ୍ର ବା ଖେଳନା ମାଗଣାରେ ଯୋଗାଇ ଦିଆଯାଉଛି । ଯେ କୌଣସି ଡ୍ରେସ ହେଉ ବା ଖେଳନା, ଧନୀ ହୁଅନ୍ତୁ କିମ୍ବା ଗରିବ ସମସ୍ତେ ବିନା ମୂଲ୍ୟରେ ଏଠାରୁ ନେଇପାରିବ ପୋଷାକ। ଏହି ଷ୍ଟଲ ସମ୍ମୁଖରେ ଭିଡ ଲାଗିରହିଥିଲା ।

ଏହାକୁ ନେଇ ସଂସ୍ଥା ପକ୍ଷରୁ କୁହାଯାଇଛି ଯେ ଯେଉଁ ବ୍ୟକ୍ତିଙ୍କର ପାଖରେ ପୋଷାକ ପୁରୁଣା ରହିଯାଉଛି ସେମାନେ ଏହି ସଂସ୍ଥାକୁ ଦାନ କରୁଛନ୍ତି । ଉକ୍ତ ବସ୍ତ୍ରକୁ ନେଇ ଗରିବ ପିଲା ହୁଅନ୍ତୁ କିମ୍ବା ବସ୍ତି ପିଲାଙ୍କୁ ବଣ୍ଟାଯାଉଛି । ଓଡ଼ିଶାର ବିଭିନ୍ନ ପ୍ରାନ୍ତରକୁ ଯାଇ ପୁରୁଣା ବସ୍ତ୍ର ବଣ୍ଟା ଯାଉଛି। ଯେଉଁମାନେ ବସ୍ତ୍ର ପିନ୍ଧିବାକୁ ପାଉନାହାଁନ୍ତି ବା ଅଭାବରେ ଦିନ କାଟୁଛନ୍ତି ସେମାନଙ୍କ ପାଇଁ ଏହା ବହୁତ ସାହାଯ୍ୟଦାୟକ । ଏହା ଏକ ଭଲ ପ୍ରୟାସ । ଯାହା ଲୋକମାନଙ୍କ ପାଖରେ ପହଞ୍ଚିପାରୁଛି ।

ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ