ସ୍ମାର୍ଟସିଟିରେ ଘର ସାମ୍ନାରୁ ଲୁଟିନେଲେ ଫର୍ଚୁନର ଗାଡି

ରାଜଧାନୀରେ ଚାଲିଛି ଲୁଟେରାଙ୍କ ରାଜ। ଆଖି ସାମ୍ନାରେ ମାଳମାଳ ଲୋକଙ୍କ ଗହଣରେ ଲୁଟିନେଲେ ଫର୍ଚୁନର ଗାଡି । ଏପଟେ ଲୁଟେରାଙ୍କ ଟେର ପାଉନି କମିଶନରେଟ ପୋଲିସ।

ଭୁବନେଶ୍ବର: ରାଜଧାନୀରେ ମାତିଛନ୍ତି ଲୁଟେରା । ଦିନ ଦ୍ବିପ୍ରହରରେ ବି ଲୁଟୁଛନ୍ତି । ତେବେ ଘର ଆଗରୁ ଆଖି ସାମ୍ନାରେ ମାଳମାଳ ଲୋକଙ୍କ ଗହଣରେ ଲୁଟି ନେଇଛନ୍ତି ଏକ ଫର୍ଚୁନର ଗାଡି । ରାଜଧାନିର ଚନ୍ଦ୍ରଶେଖରପୁର ପେଟ୍ରୋଲ ପମ୍ପ ନିକଟରେ ହୋଇଛି ଏହି ଲୁଟ ।

ଖବର ଅନୁଯାୟୀ, ମଳୟ ପାତ୍ର ନାମକ ଜଣେ ବ୍ୟବସାୟି ନିଜର OD02AJ9180 ଫର୍ଚୁନର ଗାଡିକୁ ଶୁକ୍ରବାର ନିଜ ଘର ସାମ୍ନାରେ ପାର୍କ କରିଥିଲେ । ଦିନ ପାଖାପାଖି ୨ଟା ୫୫ ବେଳକୁ ଗାାଡିଟିକୁ ଦୁର୍ବୃତ୍ତ ନେଇ ଫେରାର ମାରିଥିଲେ। ହେଲେ ଏହି ଘଟଣାରେ ଅପରାଧିଙ୍କ ସୁରାକ ତ ଦୁରର କଥା ଟେର ବି ପାଉନି ପୋଲିସ ।

ଖବର ଅନୁଯାୟୀ, ମୋ ସରକାର ନେଇ କମିସନରେଟ ପୋଲିସ ୫-ଟିରେ ମାତିଥିବା ବେଳେ । ମାଳ ମାଳ ସିସିଟିଭି ସତ୍ତ୍ବେ ସହର ଭିତରୁ ଗାଡି ନେଇ ଫେରାର ହେଉଛନ୍ତି ଦୁର୍ବୃତ୍ତ ହେଲେ ସେମାନଙ୍କ ସୁରାକ ବି ପାଉନି ପୋଲିସ । ଏନେଇ ତଦନ୍ତ ଜାରି ରଖିଛି ଚନ୍ଦ୍ରଶେଖରପୁର ଥାନା ପୋଲିସ ।

ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ