ଭୁବନେଶ୍ବର: ସଚିବମାନେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ଆଲୋଚନା କରି ଦେଶରେ ବିଭିନ୍ନ ମାଗଣା ସେବାକୁ ବନ୍ଦ କରାଯାଉ ବୋଲି ମତ ଦେବା ପରେ ପ୍ରତିକ୍ରିୟା ରଖିଲେ ବରିଷ୍ଠ କଂଗ୍ରେସ ନେତା ତଥା ପୂର୍ବତନ ଅର୍ଥମନ୍ତ୍ରୀ ପଞ୍ଚାନନ କାନୁନଗୋ । ଜନମତକୁ ହାସଲ କରିବା ପାଇଁ ବିଭିନ୍ନ ମାଗଣା ସେବା ଦେଇ ଲୋକଙ୍କୁ ପ୍ରଭାବିତ କରୁଛନ୍ତି ରାଜନୈତିକ ଦଳ । ନିଜ ଇସ୍ତାହାରରେ ଏମିତି ଲମ୍ବା ମାଗଣା ଯୋଜନା ଘୋଷଣା କରି ଜନମତକୁ ସପକ୍ଷରେ ନେବାକୁ ଘୋଷଣା କରିଛନ୍ତି ଯାହା ପରୋକ୍ଷରେ ଦେଶରେ ଅର୍ଥନୀତି ଉପରେ ପ୍ରଭାବ ପଡ଼ିବାକୁ ଯାଉଛି ବୋଲି ସେ ମତ ରଖିଛନ୍ତି ।
ମାଗଣା ଯୋଜନା ସଙ୍କଟ ଆଣିବା ପ୍ରସଙ୍ଗ, ପ୍ରତିକ୍ରିୟା ରଖିଲେ କଂଗ୍ରେସ ନେତା ତେବେ ମାଗଣା ସେବା ବା ଫ୍ରିବିଜ୍ (freebies) ବ୍ୟବସ୍ଥା ପାଇଁ ରାଜ୍ୟ ଏବଂ ଦେଶ ସଙ୍କଟରେ । ନିକଟରେ କେତେଜଣ ପ୍ରମୂଖ ସଚିବମାନେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଭେଟି ଆଲୋଚନା କରିଛନ୍ତି । ରାଜନୈତିକ ଦଳଗୁଡିକ ଏଭଳି ଆଚରଣକୁ ଲଗାମ ଦିଆଯାଉ ନଚେତ ଶ୍ରୀଲଙ୍କାରେ ଉପୁଜିଥିବା ସ୍ଥିତି ଭାରତକୁ ଭୋଗିବାକୁ ପଡିପାରେ ବୋଲି ସଚେତନ କରାଇଛନ୍ତି । ଯାହାକୁ ସମର୍ଥନ କରିଛି କଂଗ୍ରେସ । କଂଗ୍ରେସ ନେତା ତଥା ପୂର୍ବତନ ଅର୍ଥମନ୍ତ୍ରୀ ପଞ୍ଚାନନ କାନୁନଗୋ ଦେଶରେ ଉତ୍ପାଦନ ଓ ଖର୍ଚ୍ଚର ତାଳମେଳ ଉପରେ ଗୁରୁତ୍ୱ ଦିଆଯିବା କଥା ବୋଲି କହିଛନ୍ତି ।
ଦୀର୍ଘଦିନ ଧରି ମାଗଣାରେ ସାମଗ୍ରୀ ଯୋଗାଇ ଦେବା ଠିକ ନୁହେଁ, ଯେଉଁଠି ନିହାତି ଆବଶ୍ୟକ ରହୁଛି ସେଠାରେ ମାଗଣାରେ ଦିଆଯାଉ । ଉତ୍ପାଦନ ଓ ବ୍ୟବହାର ମଧ୍ୟରେ ସନ୍ତୁଳନ ଆବଶ୍ୟକ ରହିଛି । ଜନ ସାଧାରଣଙ୍କୁ ମାଗଣାରେ ସାମଗ୍ରୀ ଯୋଗାଇଦେବାକୁ ସମର୍ଥନ କରେ ନାହିଁ ବୋଲି କଂଗ୍ରେସ ନେତା ତଥା ପୂର୍ବତନ ଅର୍ଥମନ୍ତ୍ରୀ ପଞ୍ଚାନନ କାନୁନଗୋ କହିଛନ୍ତି ।
ଭୁବନେଶ୍ବରରୁ ସଞ୍ଜୀବ କୁମାର ରାୟ, ଇଟିଭି ଭାରତ
