ଭୁବନେଶ୍ୱର: ବିରୋଧି ଗୋଷ୍ଠୀ ଭୟରେ କେନ୍ଦ୍ରାପଡା ଯାଇ ନଥାଇପାରେ ହାଇଦର । ବିଭିନ୍ନ ଚେକ ଗେଟର ଚୋରାବାଟ ଦେଇ ରାଜ୍ୟ ବାହାରକୁ ଖସି ଯାଇଥାଏପାରେ । ଏପରିକି ବେଙ୍ଗାଲୁରୁ କିମ୍ବା ପୁଣେରେ ଥାଇପାରେ ବୋଲି ସନ୍ଦେହ କରିଛନ୍ତି ହାଇଦରକୁ ୧୫ବର୍ଷ ତଳେ ଗିରଫ କରିଥିବା ତତ୍କାଳୀନ ନୟାପଲ୍ଲୀ ଥାନା ଇନ୍ସପେକ୍ଟର ହରିହର ପାଣି ।
ହରିହର ପାଣି କହିଛନ୍ତି, ହାଇଦର ପୁଅ ରାଜାର ଦ୍ୱିତୀୟ ପତ୍ନୀ ବେଙ୍ଗାଲୁରୁ କିମ୍ବା ପୁଣେରେ ରହି ତାକୁ ସହଯୋଗ କରୁଥାଇପାରେ । ତେବେ ପୂର୍ବରୁ ସେ ୨୦୦୫ ମସିହାରେ ଶେଖ ଚୁନା ମର୍ଡର କେସରେ ହାଇଦରକୁ ଧରିବାକୁ ରାୟପୁର ଯାଇଥିଲେ । ଏପରିକି ତାକୁ ଧରିବା ପାଇଁ ବିଭିନ୍ନ ଚାଲ ଆପଣାଇ ଇନ୍ସପେକ୍ଟର ହରିହର ଏବଂ ଅନ୍ୟ ଜଣେ ଅଫିସର ଆଲୋକ ଜେନା ଶେଷରେ ନାଗପୁରର ଏକ ହୋଟେଲ ବାହାରେ ନିଜର ସହଯୋଗୀଙ୍କ ସହ ଗାଡ଼ିରେ ଶୋଇଥିବାବେଳେ ହାଇଦରକୁ ମାଡ଼ି ବସିଥିଲେ । ଏହି କାର୍ଯ୍ୟରେ ରା଼ଞ୍ଚିର କ୍ରାଇମବ୍ରାଞ୍ଚ ସାପୋ ନାମକ ଅଫିସର ଓଡିଶା ପୋଲିସକୁ ସହଯୋଗ କରିଥିଲେ । ନିଜର ସେହି ଅଭିଜ୍ଞତାରୁ ହାଇଦର ରାଜ୍ୟ ବାହାରକୁ ଖସିବାରେ ସଫଳ ହୋଇଛି ବୋଲି କହିଛନ୍ତି ହରିହର ପାଣି ।
ଭୁବନେଶ୍ୱରରୁ ତାପସ ପରିଡା, ଇଟିଭି ଭାରତ
