ଭୁବନେଶ୍ବର: ବିଜେଡିରେ ମିଶିଲେ କଳାହାଣ୍ଡିର କଂଗ୍ରେସ ନେତା ଓ କର୍ମୀ । ନର୍ଲା ବିଧାନସଭାର ପୂର୍ବତନ କଂଗ୍ରେସ ବିଧାୟକ ପ୍ରାର୍ଥୀ ଚିତ୍ତରଞ୍ଜନ ମଣ୍ଡଳ ନିଜ ଶତାଧିକ କର୍ମୀଙ୍କ ସହ ଗୁରୁବାର ବିଜେଡିରେ ସାମିଲ ହୋଇଛନ୍ତି । ବିଜେଡି ସୁପ୍ରିମୋ ତଥା ମୁଖ୍ୟମନ୍ତ୍ରୀ ଏବଂ ମନ୍ତ୍ରୀ ଦିବ୍ୟଶଙ୍କରଙ୍କ ଉପସ୍ଥିତିରେ 200ରୁ ଊର୍ଦ୍ଧ୍ବ କଂଗ୍ରେସ କର୍ମୀ ନବୀନ ନିବାସରେ ସାମିଲ ହୋଇଛନ୍ତି ।
ଆଗାମୀ 2 ବର୍ଷ ମଧ୍ୟ ପୌର ନିର୍ବାଚନ, ଜିଲ୍ଲାପରିଷଦ ନିର୍ବାଚନ ଅଛି । କଂଗ୍ରେସ କର୍ମୀଙ୍କ ଏଭଳି ଦଳ ପରିବର୍ତ୍ତନକୁ ନେଇ କଳାହାଣ୍ଡି ରାଜନୀତି ସରଗରମ ରହିଥିବାବେଳେ କଂଗ୍ରେସ ପ୍ରାର୍ଥୀ ଦଳରେ ମିଶିବା ପରେ ଦଳ ଆହୁରି ସୁଦୃଢ ହେବ ବୋଲି ମନ୍ତ୍ରୀ ଦିବ୍ୟଶଙ୍କର ଆଶା ପ୍ରକଟ କରିଛନ୍ତି । ଏଥିସହିତ କଳାହାଣ୍ଡିରେ ମଧ୍ୟ ବିଜେଡିର ରାଜନୈତିକ ଆଧିପତ୍ୟ ମଜବୁତ ହେବ । ସୂଚନାଯୋଗ୍ୟ, ପୂର୍ବରୁ କଂଗ୍ରେସରେ ଅଣଦେଖା ଅଭିଯୋଗ ଆଣି ହାତ ଛାଡିଥିଲେ ଚିତ୍ତରଞ୍ଜନ ।
ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ
TAGGED:
congress workers joins bjd