ଭୁବନେଶ୍ବର: ଆଉ କିଛିଦିନର ବ୍ୟବଧାନ ପରେ ଧରାବତରଣ କରିବେ ଜଗତଜନନୀ ମା' ଦୁର୍ଗା । ଏଥିପାଇଁ ରାଜଧାନୀର ପୂଜା କମିଟି ପକ୍ଷରୁ ଜୋରଦାର ଆୟୋଜନ କରାଯାଉଥିବା ଦେଖିବାକୁ ମିଳିଛି । ସେଥିମଧ୍ୟରୁ ଝାରପଡା ପୂଜା ସମିତି ଅନ୍ୟତମ ।
ଭିଡିଓ ସୈଜନ୍ୟ: ପ୍ରତିନିଧି, ଭୁବନେଶ୍ବର
ପ୍ରତିବର୍ଷ ଏହି ପୂଜା ସମିତି ପକ୍ଷରୁ ଏପରି କିଛି ଆକର୍ଷଣୀୟ କାର୍ଯ୍ୟ ହାତକୁ ନିଆଯାଇଥାଏ । ଯେଉଁଥିପାଇଁ ଲୋକଙ୍କ ଚର୍ଚ୍ଚାରେ ସର୍ବଦା ରହିଥାଏ । ସେହିଭଳି ଚଳିତବର୍ଷ ମଧ୍ୟ ନିଜର ସ୍ବତନ୍ତ୍ରତା ବଜାୟ ରଖିବା ସହିତ ଏଥର ପ୍ୟାରିସର 'ଡିଜିନି ଲ୍ୟାଣ୍ଡ ପାର୍କ' ପ୍ରତିକୃତିର ତୋରଣ ନିର୍ମାଣ କରାଯାଉଥିବା ପୂଜା କମିଟି ପକ୍ଷରୁ କୁହାଯାଇଛି । ଯାହାକି ସବୁ ମଣ୍ଡପଠାରୁ ଆକର୍ଷଣୀୟ ହେବ ବୋଲି ଆଜି ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ଉଦ୍ୟୋକ୍ତାମାନେ ପ୍ରକାଶ କରିଛନ୍ତି । ଏହି ତୋରଣ ନିର୍ମାଣ କରିବା ପାଇଁ ବଜେଟ୍ ରହିଛି 40 ଲକ୍ଷ । ଯାହାକୁ ପଶ୍ଚିମବଙ୍ଗରୁ ପ୍ରତାପ ଚନ୍ଦ୍ର ଗିରୀଙ୍କ ସହିତ 50ରୁ ଉର୍ଦ୍ଧ୍ବ କାରିଗର ଦୀର୍ଘ ଦେଢ଼ ମାସ ଧରି କାର୍ଯ୍ୟ ଜାରି ରଖିଥିବା ସୂଚନା ମିଳିଛି ।