ଭୁବନେଶ୍ବର: ରାଜଧାନୀରେ ଆରମ୍ଭ ହେବ ଜନଗଣନା ସର୍ଭେ । ମେ' ପହିଲାରୁ ପଛୁଆ ବର୍ଗଙ୍କ ପାଇଁ ଆରମ୍ଭ ହେବ ଜନଗଣନା ସର୍ଭେ। ପ୍ରତି୧୦ବର୍ଷରେ ଥରେ ଜନଗଣନା ହେଇଥିବାବେଳେ ପ୍ରଥମଥର ପାଇଁ ଓଡ଼ିଶାରେ ପଛୁଆ ବର୍ଗଙ୍କ ପାଇଁ ଜନଗଣନା ସର୍ଭେ ଆରମ୍ଭ ହେବ।
ମେ' ପହିଲାରୁ ଜନଗଣନା ସର୍ଭେ
ସମଗ୍ର ଦେଶରେ ଓଡିଶା ପ୍ରଥମ ରାଜ୍ୟ, ଯେଉଁଠି ଏହି ସର୍ଭେ ଆରମ୍ଭ ହେବାକୁ ଯାଉଛି। ରାଜ୍ୟରେ ମୋଟ ସାଢ଼େ 4 କୋଟି ଲୋକଙ୍କ ମଧ୍ୟରୁ ଶତକଡା 53 ପ୍ରତିଶତ ଲୋକ ପଛୁଆ ବର୍ଗ ଅଛନ୍ତି। ସେମାନଙ୍କ ଆର୍ଥିକ, ସାମାଜିକ ଓ ଶିକ୍ଷାଗତ ସ୍ଥିତିକୁ ଦୃଷ୍ଟିରେ ରଖି ଏହି ସର୍ଭେ କରାଯିବ।
ଏହାସହ ବ୍ଲକ ଲେବେଲ ମାଷ୍ଟର ଟ୍ରେନରମାନଙ୍କ କର୍ମଶାଳା ଆରମ୍ଭ ହେବ । ମେ' ପହିଲାରୁ ଆରମ୍ଭ ହୋଇ 20ତାରିଖ ସୁଦ୍ଧା ଶେଷ କରିବାକୁ ଲକ୍ଷ୍ୟ ରଖାଯାଇଛି। 101କେନ୍ଦ୍ରରେ ଏହି ସର୍ଭେ ହେବାକୁ ଥିବାବେଳେ ଏଥିରେ 133 ଜଣ ଏନୁମ୍ୟୁରେଟର ଓ 22ଜଣ ସୁପରଭାଇଜର ନିୟୋଜିତ ରହିବେ।