ଭୁବନେଶ୍ବର:ଭୁବନେଶ୍ବର: ଚଳିତ ବର୍ଷ ପ୍ରଥମ ଥର ପାଇଁ ଅତ୍ୟଧିକ କୁହୁଡି ଯୋଗୁଁ ବିମାନ ଚଳାଚଳ ବିଳମ୍ବ ହୋଇଛି। ଆଜି ସକାଳ ସମୟରେ ଘନ କୁହୁଡି ଜାରି ରହିଥିବାରୁ ଭୁବନେଶ୍ବର ବିମାନବନ୍ଦରରେ ବିମାନସେବା ବାଧାପ୍ରାପ୍ତ ହୋଇଛି। ସକାଳ ୯ଟା ପର୍ଯ୍ୟନ୍ତ କୌଣସି ବିମାନ ଚଳାଚଳ କରିନଥିଲା ।
ଫଳରେ ୩ ଘଣ୍ଟା ବିଳମ୍ବରେ ଭୁବନେଶ୍ବରରେ ପହଞ୍ଚିଥିଲା କଲିକତାରୁ ଆସିଥିବା ବିମାନ। ୬ଟା ୩୦ ବଦଳରେ ୯ଟା ୩୦ରେ ପହଞ୍ଚିଥିଲା । ଦିଲ୍ଲୀରୁ ଆସୁଥିବା ଇଣ୍ଡିଗୋ ବିମାନ ୨୧୭୮ ଅବତରଣ କରି ନପାରି ରାୟପୁରରେ ଓହ୍ଲାଇଥିଲା। ୧୫୦ ମିଟର କୁହୁଡି ଥିବା ଯୋଗୁଁ ବିଳମ୍ବ ହୋଇଥିଲା ବେମାନ । ନିୟମ ଅନୁସାରେ କୁହୁଡି ୮୦୦ ମିଟର ଉପରେ ରହିଲେ ବିମାନ ଚଳାଚଳ ସ୍ବାଭାବିକ ରହିଥାଏ। କିନ୍ତୁ ପାଇଲଟ ଚାହିଁଲେ ୫୫୦ ରୁ ୮୦୦ ମିଟର କୁହୁଡି ଥୁଲେ ବି ବିମାନ ଅବତରଣ କରାଇପାରିବେ । ଆଜି କୁହୁଡି ୫୫୦ ମିଟର ହେବା ପରେ ବିମାନ ଚଳାଚଳ ଆରମ୍ଭ ହୋଇଥିଲା । ସକାଳ ସୁଦ୍ଧା ୩ ଟା ବିମାନ ଆସିଥିବା ବେଳେ ୨ ଟା ଉଡାଣ କରିଛି ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
