ଭୁବନେଶ୍ବର: ବାଜି ସାରିଛି ବିଜେପୁର ଉପନିର୍ବାଚନ ପାଇଁ ବିଗୁଲ । ଗଡ଼ ଜିତିବାକୁ ଅଣ୍ଟା ଭିଡ଼ିଲେଣି ପ୍ରମୁଖ ରାଜନୈତିକ ଦଳ । ପ୍ରଥମ ଦଫାରେ ଟିକେଟ ପାଇଁ ଚାଲିଛି ମାନସ ମନ୍ଥନ । ଏପଟେ ସାଧାରଣ ନିର୍ବାଚନରେ ଶୋଚନୀୟ ପରାଜୟର ସମ୍ମୁଖୀନ ହୋଇଥିବା କଂଗ୍ରେସ ସମ୍ମାନ ବଞ୍ଚାଇବା ପାଇଁ ଆରମ୍ଭ କରିଛି ପ୍ରୟାସ । ବିଜେପୁରରେ ପ୍ରାର୍ଥୀ ଦେବା ପାଇଁ ଦଳ ଆରମ୍ଭ କରିଛି କସରତ ।
ଗୁରୁବାର ପ୍ରାର୍ଥି ଘୋଷଣା କରିବ କଂଗ୍ରେସ...
ନିର୍ବାଚନ ମଣ୍ଡଳୀରେ କଂଗ୍ରେସର ବଳ ବଢାଇବା ପାଇଁ ଟିମ୍ ଗଠନ କରୁଛି ଦଳ । ଯେଉଁମାନେ ବିଜେପୁରରେ ଦଳ ପକ୍ଷରୁ ପ୍ରାର୍ଥୀ ହେବା ପାଇଁ ଆଗ୍ରହୀ ସେମାନଙ୍କ ନାମ ଏଆଇସିସିକୁ ପଠାଯାଇଛି । ଏଥିପାଇଁ ପୂର୍ବରୁ ଗଠିତ କମିଟି ପାଞ୍ଚ ଜଣଙ୍କୁ ଚୟନ କରିଛି । ସେମାନଙ୍କ ଭିତରେ ରହିଛନ୍ତି ଅଭିଷେକ ସେଠ୍, ଦିଲ୍ଲୀନ ପଣ୍ତା, ରବିନ୍ଦ୍ର ପଣ୍ତା, ସୁଦେଶ୍ନା ସୁଆର ଓ ସୁରେନ୍ଦ୍ର ପାତ୍ର ।