ମାଡ଼ି ଆସୁଛନ୍ତି ପଙ୍ଗପାଳ, ମୁକାବିଲା ପାଇଁ ଅଗ୍ନିଶମ ବିଭାଗର ମକଡ୍ରିଲ

ପଙ୍ଗପାଳଙ୍କ ମୁକାବିଲା ପାଇଁ ଅଗ୍ନିଶମ ବିଭାଗକୁ ଦିଆଯାଇଛି ଦାୟିତ୍ବ । ଏନେଇ କଳ୍ପନା ଦମକଳ କେନ୍ଦ୍ରରେ ହୋଇଛି ମକଡ୍ରିଲ। ଅଧିକ ପଢନ୍ତୁ...

ଭୁବନେଶ୍ବର: ଓଡିଶା ଅଭିମୁଖେ ମାଡି ଆସୁଛନ୍ତି ପଙ୍ଗପାଳ । ଏମାନଙ୍କ ପ୍ରଭାବରେ ବ୍ୟାପକ ଫଲସ ନଷ୍ଟ ହେବାର ସମ୍ଭାବନା ରହିଛି । ଏନେଇ ପଙ୍ଗପାଳଙ୍କ ମୁକାବିଲା ପାଇଁ ଅଗ୍ନିଶମ ବିଭାଗକୁ ଦିଆଯାଇଛି ଦାୟିତ୍ବ । ବିପର୍ଯ୍ୟୟ ସ୍ଥିତି ମୁକାବିଲାର ମାଷ୍ଟର ଅଗ୍ନିଶମ ବିଭାଗ ପକ୍ଷରୁ ଆରମ୍ଭ ହୋଇଛି ପଙ୍ଗପାଳଙ୍କ ଦମନ ପ୍ରସ୍ତୁତି ।

କେମିକାଲ ସିଞ୍ଚନ ଜରିଆରେ ପଙ୍ଗପାଳଙ୍କୁ କିପରି ଘଉଡାଯିବ, ଏନେଇ କଳ୍ପନା ଦମକଳ କେନ୍ଦ୍ରରେ ହୋଇଛି ମକଡ୍ରିଲ । ଓଡ଼ିଶାର ପ୍ରତି ବ୍ଲକରେ ଥିବା ଦମକଳ କେନ୍ଦ୍ରକୁ ଆଲର୍ଟରେ ରଖାଯାଇଛି । ତେବେ ପଙ୍ଗପାଳଙ୍କ ମୁକାବିଲା ପାଇଁ ଏବେ ଅଗ୍ନିଶମ କର୍ମଚାରୀ ପ୍ରସ୍ତୁତ ଥିବା କୁହାଯାଉଛି ।

ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ