ଭୁବନେଶ୍ବର:ରାଜଧାନୀର ଭୋମନଗର ଛକରେ ଥିବା ୧୧ ତାଲା ବିଲଡିଂରେ ଘଟିଛି ଅଗ୍ନିକାଣ୍ଡ । ପ୍ରଥମ ମହଲାରେ ଥିବା ରାଜ୍ୟ ଗୃହ ନିର୍ମାଣ ଭବନ କାର୍ଯ୍ୟାଳୟରେ ଅଗ୍ନିକାଣ୍ଡ ଯୋଗୁଁ ବହୁ କ୍ଷୟକ୍ଷତି ହୋଇଛି । ସର୍ଟ ସର୍କିଟରୁ ଅଗ୍ନିକାଣ୍ଡ ହୋଇଥିବା ସୂଚନା ମିଳିଛି । ପ୍ରଥମ ମହଲାରେ ଥିବା ଅଡିଟ ଆଣ୍ଡ ଆକାଉଣ୍ଟ ସେକ୍ସନରେ ଜଳିଗଲା ଫାଇଲ ଓ କମ୍ପ୍ଯୁଟର । ଅନେକ କାଗଜପତ୍ର ସହ ବହୁ ଗୁରୁତ୍ବପୂର୍ଣ୍ଣ ଫାଇଲ ପୋଡି ନଷ୍ଟ ହୋଇଯାଇଛି ।
ଏଗାର ତାଲା ବିଲ୍ଡିଂରେ ଅଗ୍ନିକାଣ୍ଡ, ଜଳିଗଲା ରାଜ୍ୟ ଗୃହ ନିର୍ମାଣ ଭବନ ଅପରାହ୍ନ ସମୟରେ ନିଆଁ ଲାଗିଥିବାବେଳେ ଅଫିସର କର୍ମଚାରୀ ଓ ଅଗ୍ନିଶମ ଟିମ ପହଞ୍ଚି ନିଆଁକୁ ଆୟତ୍ତ କରିଛି । ତେବେ ଅଗ୍ନିକାଣ୍ଡର କାରଣ ସ୍ପଷ୍ଟ ଜଣାପଡୁନଥିଲେ ମଧ୍ୟ ଏସିରୁ ସର୍ଟ ସର୍କିଟ ଯୋଗୁଁ ଅଗ୍ନିକାଣ୍ଡ ହୋଇଛି ବୋଲି ଅନୁମାନ କରିଛି ଅଗ୍ନିଶମ ବିଭାଗ । ତେବେ ରାଜ୍ୟ ଗୃହ ନିର୍ମାଣ ଭବନର ଅଧ୍ୟକ୍ଷ ଏନେଇ କହିଛନ୍ତି ଯେ, ବିଶେଷ କ୍ଷୟକ୍ଷତି ହୋଇନାହିଁ । ଏନେଇ ଠିକ ସମୟରେ ନିଆଁକୁ ଆୟତ୍ତ କରାଯାଇଛି । କିଛି କାଗଜପତ୍ର ସହ ଅନ୍ୟାନ୍ୟ ଜିନିଷ ପୋଡିଯାଇଛି । କାହାର କୌଣସି କ୍ଷତି ହୋଇନାହିଁ ବୋଲି ସୂଚନା ଦେଇଛନ୍ତି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
