ଭୁବନେଶ୍ବର: ବିଗତ ବର୍ଷମାନଙ୍କରେ ପ୍ରାକୃତିକ ବିପର୍ଯ୍ୟୟ ହେଉ କିମ୍ବା ଅନ୍ୟାନ୍ୟ ପ୍ରତିକୂଳ ପରିସ୍ଥିତିରେ କୃଷିକ୍ଷେତ୍ରରେ ଅନେକ ପରିମାଣର କ୍ଷୟକ୍ଷତି ହୋଇଛି । ଯାହାର ପୁନରାବୃତ୍ତି ନହେବା ନେଇ ଆଗାମୀ ଖରିଫ ଋତୁରେ କୃଷିକ୍ଷେତ୍ରରେ ସମ୍ଭାବ୍ୟ ବିପର୍ଯ୍ୟୟ ସ୍ଥିତିର ମୁକାବିଲା କରିବା ପାଇଁ ପ୍ରସ୍ତୁତି ବୈଠକ ଆୟୋଜିତ ହୋଇଯାଇଛି ।
ଭିଡିଓ ସୌଜନ୍ୟ: ପ୍ରତିନିଧି, ଭୁବନେଶ୍ବର
କେନ୍ଦ୍ରୀୟ ଶୁଷ୍କ ଅଞ୍ଚଳ ଗବେଷଣା ଅନୁଷ୍ଠାନ ହାଇଦ୍ରାବାଦ ଓ କୃଷି ଓ କୃଷକ ସଶକ୍ତୀକରଣ ବିଭାଗ ଓଡିଶାର ମିଳିତ ସହଯୋଗରେ ସ୍ଥାନୀୟ କୃଷି ଭବନରେ ଏହି ବୈଠକ ଆୟୋଜିତ ହୋଇଛି । ଏହି ବୈଠକରେ କୃଷିମନ୍ତ୍ରୀ ଶ୍ରୀ ଅରୁଣ ସାହୁ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ମରୁଡି,ବନ୍ୟା ,ବାତ୍ୟା,ବିଳମ୍ବିତ ମୌସୁମୀ,ରୋଗ ପୋକ ଉପଦ୍ରବରୁ ଫସଲ ହାନି ଆଦି ବିପର୍ଯ୍ୟୟ ସମୟରେ ଆଗାମୀ ଖରିଫ ଫସଲକୁ କିପରି ସୁରକ୍ଷିତ ରକ୍ଷା କରାଯିବା ସହିତ ଉପଯୁକ୍ତ ଯତ୍ନ ନିଆ ଯାଇପାରିବ ସେ ନେଇ ଚର୍ଚ୍ଚା କରିଛନ୍ତି କୃଷି ମନ୍ତ୍ରୀ ।