ଭୁବନେଶ୍ବର: ଅନ୍ତ ଘଟିଛି ସବୁ ପ୍ରତୀକ୍ଷାର। ଆଉ ଘଣ୍ଟାରେ ବାଜିଛି ରାତି 12। ବର୍ତ୍ତମାନ ସମୟରେ ଏହି ପବିତ୍ର ମୂହୁର୍ତ୍ତରେ ଘଣ୍ଟ ହୁଳହୁଳି ସହ ଧରାପୃଷ୍ଠକୁ ଆସିଛନ୍ତି ଦେବକୀ ନନ୍ଦନ। ଦୀର୍ଘ ସମୟ ଧରି ମର୍ତ୍ତ୍ଯଲୋକରେ ସମସ୍ତେ ତାଙ୍କ ଅବତରଣକୁ ଅପେକ୍ଷା କରି ବସିଥିଲେ।
ଆଜି ଥିଲା ପବିତ୍ର ଜନ୍ମାଷ୍ଟମୀ। ଏଥି ପାଇଁ ଗାଁଠାରୁ ସହର ପାର୍ବଣ ମୁଖର ହୋଇ ପଡିଥିବା ବେଳେ ସ୍ମାର୍ଟ ସିଟି ବି ବେଶ ଚଳଚଞ୍ଚଳ ହୋଇ ପଡିଥିଲା। ସକାଳୁ ଭୁବନେଶ୍ୱର ସ୍ଥିତ ରାମ ମନ୍ଦିରରେ ଭକ୍ତଙ୍କ ଭିଡ଼ ଦେଖିବାକୁ ମିଳିଥିଲା। ସେହିପରି ନିର୍ଦ୍ଧାରିତ ରାତି 12 ସମୟରେ ଭଗବାନ ଶ୍ରୀ କୃଷ୍ଣଙ୍କ ଜନ୍ମ ହୋଇଛି। ଭଗବାନଙ୍କ ଜନ୍ମରେ ଭକ୍ତ ଭାବବିହ୍ବଳ ହୋଇପଡ଼ିଥିବା ବେଳେ ଆସନ୍ତାକାଲି ନନ୍ଦ ଉତ୍ସବ ପାଇଁ ସମସ୍ତ ପ୍ରସ୍ତୁତି ଆରମ୍ଭ ହୋଇ ପଡ଼ିଲାଣି।
ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ
