ଭୁବନେଶ୍ବର:ଭଞ୍ଜକଳା ମଣ୍ଡପରେ ମଞ୍ଚସ୍ଥ ହେଲା ନାଟକ "ଗୋଟିଏ କାହାଣୀ" । ଦୀର୍ଘ ୨ ବର୍ଷ ପରେ ସଂସ୍କୃତି ବିଭାଗ, ଓଡ଼ିଶା ସଙ୍ଗୀତ ନାଟକ ଏକାଡେମୀ ଏବଂ ଓଡ଼ିଶା ନାଟ୍ୟ ସଂଘର ମିଳିତ ଆନୁକୂଲ୍ୟରେ ଆରମ୍ଭ ହୋଇଛି ‘ନାଟ୍ୟଧାରା’ । ଏହାର ଦ୍ବିତୀୟ ସନ୍ଧ୍ୟାରେ ଏକ ନିଚ୍ଛକ ପ୍ରେମ କାହାଣୀକୁ ନେଇ ପରିବେଷଣ ହୋଇଛି ନାଟକ ‘ଗୋଟିଏ କାହାଣୀ’ ।
ନାଟ୍ୟଧାରା ଦ୍ବିତୀୟ ସନ୍ଧ୍ୟା: ଦର୍ଶକଙ୍କ ମନ ଛୁଇଁଲା ଗୋଟିଏ କାହାଣୀ
ପତିପତ୍ନୀଙ୍କ ସୁଖୀ ସଂସାର ଉପରେ ଦିନେ କଳାବାଦଲ ଢାଙ୍କି ହୋଇଯାଏ । ଏକ ଦୁର୍ଘଟଣାରେ ସ୍ବାମୀଙ୍କ ଗୋଟିଏ ଗୋଡ଼ ଭାଙ୍ଗିଗଲା । ଏଥିଯୋଗୁଁ ତାଙ୍କ ଚାକିରି ଚାଲିଗଲା, ଘର ଚଳାଇବା ପାଇଁ ସ୍ତ୍ରୀ ପଦାକୁ ଗୋଡ଼ କାଢ଼ିଲେ । ଦୁର୍ଘଟଣା ପରେ ବାପା ହେବା କ୍ଷମତା ହରାଇ ବସିଲେ ସ୍ୱାମୀ । ଶେଷରେ ଦ୍ଵିତୀୟ ବିବାହ କରିବାକୁ ସ୍ବାମୀ, ସ୍ତ୍ରୀଙ୍କୁ ପରାମର୍ଶ ଦିଅନ୍ତି । ନାଟକର ଏଭଳି କିଛି ସଂଳାପର ଦର୍ଶକଙ୍କୁ ଗୋଟିଏ କାହାଣୀ ବାନ୍ଧି ରଖିଥିଲା ।