ଭୁବନେଶ୍ବର: ବହୁ ଚର୍ଚ୍ଚିତ ନକଲି ଡାକ୍ତର ରମେଶ ସ୍ବାଇଁଙ୍କ ଫୁଟୁଛି ଗୁମର । ଏକାଧିକ ମହିଳାଙ୍କୁ ଫସାଇ ବିବାହ କରିବା ଏବଂ ସେମାନଙ୍କୁ ଲୁଟ୍ କରିବା ଅଭିଯୋଗରେ ଗିରଫ ହୋଇଥିବା ରମେଶଙ୍କ ଡ୍ରାଇଭରକୁ ଥାନାରେ ଅଟକ ରଖିଛି ପୋଲିସ । ଏଥିସହ ଅଧିକ ତଥ୍ୟ ପାଇଁ ରମେଶ ଖୋଲିଥିବା ଭିଭିନ୍ନ ମାଟ୍ରିମୋନିଆଲ ସାଇଟକୁ ଚିଠି ଲେଖିଛି ପୋଲିସ ।
ନକଲି ଡାକ୍ତର ରମେଶ ସ୍ବାଇଁର ଫିଟୁଛି ଗୁମର, ମାଟ୍ରିମୋନିଆଲ ସାଇଟକୁ ପୋଲିସର ଚିଠି
ସୂଚନା ଅନୁଯାୟୀ, ଗତକାଲି(ବୁଧବାର) ବିଳମ୍ବିତ ରାତିରେ ରମେଶର ଡ୍ରାଇଭରକୁ ନୟାଗଡ ରଣପୁରରୁ ଉଠାଇ ଆଣି ଥାନାରେ ଅଟକ ରଖିଛି ମହିଳା ଥାନା ପୋଲିସ । ଡ୍ରାଇଭର ଚିତ୍ତ ରଞ୍ଜନ ପଟ୍ଟନାୟକ ରମେଶର ସମସ୍ତ ଠକେଇରେ ସାମିଲ ଥିବା ଜଣାପଡିଛି । ରମେଶକୁ ଡାକ୍ତର ଭାବେ ବିଭିନ୍ନ ସ୍ଥାନରେ ପରିଚୟ ଦେଉଥିଲା ଡ୍ରାଇଭର ଚିତ୍ତ । କେବଳ ଏତିକି ନୁହେଁ ରମେଶର ସମସ୍ତ ବିବାହରେ ବରଯାତ୍ରୀ ହେଉଥିଲା ।