ଆତଙ୍କୀ ଆକ୍ରମଣ ଆଶଙ୍କା ! ହାଇ ଆଲର୍ଟ ଜାରି

ସାମୁଦ୍ରିକ ପଥ ଦେଇ ରାଜ୍ୟରେ ପଶି ପାରନ୍ତି ଆତଙ୍କୀ । ଏନେଇ ସାମୁଦ୍ରିକ ତଟରେ ଜାରି ହେଲା ହାଇଆଲର୍ଟ । କୋଷ୍ଟ ଗାର୍ଡ ପକ୍ଷରୁ ୭ଟି ଉପକୂଳବର୍ତ୍ତୀ ଜିଲ୍ଲାର ଏସପିଙ୍କୁ ସତର୍କ ରହିବାକୁ ନିର୍ଦ୍ଦେଶ ଦିଆଯାଇଛି ।

ଭୁବନେଶ୍ବର: ସମୁଦ୍ର ପଥ ଦେଇ ଓଡିଶାରେ ହୋଇପାରେ ଆତଙ୍କୀ ଆକ୍ରମଣ । ଏନେଇ ସାମୁଦ୍ରିକ ତଟରେ ଜାରି ହେଲା ହାଇ ଆଲର୍ଟ । କୋଷ୍ଟଗାର୍ଡ ପକ୍ଷରୁ 7ଟି ଉପକୂଳବର୍ତ୍ତୀ ଜିଲ୍ଲାର ଏସପିଙ୍କୁ ଆଲର୍ଟ ରହିବାକୁ ନିର୍ଦ୍ଦେଶ ଦିଆଯାଇଛି । ଏଥିସହ 18ଟି ସାମୁଦ୍ରିକ ଥାନାରେ କଡା ଆଲର୍ଟ ରହିବାକୁ ସର୍ତକ କରାଇଛନ୍ତି କୋଷ୍ଟ ଗାର୍ଡ ଏଡିଜି ।

ଏଥିସହ ତଟବର୍ତ୍ତି ଅଞ୍ଚଳରେ ପାଟ୍ରୋଲିଂ କଡାକଡି ସହ ମତ୍ସ୍ୟଜୀବୀ ସମ୍ପ୍ରଦାୟ ରହୁଥିବା ଅଞ୍ଚଳରେ କଡା ନଜର ରଖିବାକୁ ନିର୍ଦ୍ଦେଶ ଦିଆଯାଇଛି । ତେବେ ସମୁଦ୍ର ପଥ ଦେଇ ଆତଙ୍କୀ ଆକ୍ରମଣ ନେଇ ଭାରତରେ ଅନୁପ୍ରବେଶ ନେଇ ଗତ କିଛି ଦିନ ତଳେ ଖବର ମିଳିଥିଲା । ତେଣୁ ଯେପରି କୌଣସି ଅଘଟଣ ନ ଘଟେ ସେଥିପାଇଁ ହାଇ ଆଲର୍ଟ ଜାରି ହୋଇଥିବା କହିଛନ୍ତି କୋଷ୍ଟ ଗାର୍ଡ ଏଡିଜି ପ୍ରାଣବିନ୍ଦୁ ଆଚାର୍ଯ୍ୟ ।

ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ