ଭୁବନେଶ୍ବର: ଦୀର୍ଘ ଦୁଇ ବର୍ଷ ହେବ ଦେଶରେ ପାଳି କରି କୋରୋନା ତାଣ୍ଡବ ରଚିଛି । ମହାମାରୀରେ ସବୁ କିଛି ଠପ ହୋଇଛି । ଲକଡାଉନ ସଟଡାଉନ ଭିତରେ ରହିଛନ୍ତି ଲୋକ । ଏହାରି ଭିତରେ ବି କିଛି ଲୋକ ଜୀବନ ଓ ଜୀବିକାକୁ ବଞ୍ଚାଇଛନ୍ତି । ଏଥିପାଇଁ ତାଙ୍କୁ ସାଥ ଦେଇଛି ମଡନ ଟେକ୍ନୋଲୋଜି । ଅଫିସ ନ ଯାଇ ମଧ୍ୟ ଘରେ କାମ କରି ଅଫିସ କାମକୁ ସହଜ କରିଛନ୍ତି ।
'ମହାମାରୀରେ ୱାର୍କ ଫ୍ରମ ହୋମ ଦ୍ୱାରା ସବୁ କିଛି ସହଜ ହୋଇଛି'
ୱାର୍କ ଫ୍ରମ ହୋମରେ ଲାକଡାଉନ ଭିତରେ ମଧ୍ୟ ଲୋକମାନେ ଘରେ ରହି ଅଫିସ ମିଟିଙ୍ଗ କରିବା ସହ ବଡ଼ ବ୍ୟବସାୟ ମଧ୍ୟ ଅତି ସହଜରେ କରି ପାରିଛନ୍ତି । ଯାହା କି ମହାମାରୀ ରୋକିବାରେ ସହାୟକ ହୋଇପାରିଛି । ଅନଲାଇନ ମାଧ୍ୟମରେ ବଢୁଛି ଫ୍ୟାସନ ଡିଜାଇନର ଚାହିଦା । ଏସବୁ ମଧ୍ୟରେ ଫ୍ୟାସନ ଡିଜାଇନିଂ କ୍ଷେତ୍ରରେ କୋରୋନା ବ୍ୟାପକ ପ୍ରଭାବ ପକାଇଛି। ବିଶେଷ କରି ଫ୍ୟାସନ ଡିଜାଇନରମାନେ କ୍ଷତିର ସମ୍ମୁଖୀନ ହୋଇଛନ୍ତି। ଏସବୁ ମଧ୍ୟରେ କିନ୍ତୁ ଫ୍ୟାସନ ଡିଜାଇନିଂ ଶିଳ୍ପ ଅନଲାଇନ ମାଧ୍ୟମରେ ଚାହିଦା ବଢାଇ ଅଣ୍ଟା ସଳଖିଛି।