ମାଜିଷ୍ଟ୍ରେଟଙ୍କ ଘରକୁ ଆକ୍ରମଣ ମାମଲା; 2 ଗିରଫ

ଲୋକାଲ ଗୁଣ୍ଡାଙ୍କୁ ବାନ୍ଧିଲା ପୋଲିସ । ସ୍ଥାନୀୟ ଅଞ୍ଚଳରେ ଚଳାଇଥିଲେ ଆତଙ୍କ । ଛାଡିନଥିଲେ ମାଜିଷ୍ଟ୍ରେଟଙ୍କ ଘରକୁ ।

ଭୁବନେଶ୍ବର: ମହଙ୍ଗା ପଡିଲା ମାଜିଷ୍ଟ୍ରେଟଙ୍କ ଘର ଉପରକୁ ଆକ୍ରମଣ । ଲୋକାଲ ଗୁଣ୍ଡାଙ୍କୁ ପୋଲିସର ଜବରଦସ୍ତ ପ୍ରହାର । ଦାଦାବଟି ଓ ଲୋକାଲ ଗୁଣ୍ଡାଗର୍ଦିରେ ମାତିଥିଲେ ଅଭିଯୁକ୍ତ । ମାଜିଷ୍ଟ୍ରେଟ ପରିବାର ବର୍ଗଙ୍କ ଅଭିଯୋଗ ଓ ଇଟିଭି ଭାରତରେ ଖବର ପ୍ରସାରଣ ପରେ ଗିରଫ ହେଲେ ଅଭିଯୁକ୍ତ ।

ଘଟଣା ଅନୁସାରେ ଗତ ୧୫ ତାରିଖ ଡୁମୁଡୁମାରେ ରହୁଥିବା ଜୁଡିସିଆଲ ମାଜିଷ୍ଟ୍ରେଟ ସଂଗ୍ରାମ ମିଶ୍ରଙ୍କ ଘର ଉପରକୁ ଆକ୍ରମଣ ହୋଇଥିଲା । ଆକାଶ ଷଡଙ୍ଗୀ ଓ ବବୁଲୁ ସେଠି 2ଜଣ ଅସାମାଜିକ ବ୍ୟକ୍ତି ମାଜିଷ୍ଟ୍ରେଟଙ୍କ ଘର ସାମ୍ନାରେ ଥିବା ମାଜିଷ୍ଟ୍ରେଟ ସଂଗ୍ରାମ ମିଶ୍ରଙ୍କ ଭାଇଙ୍କ ଦୋକାନରେ ପଶି ଦାଦାବଟି ମାଗିଥିଲେ । ବଟି ନମିଳିବାରୁ କର୍ମଚାରୀଙ୍କୁ ମାରଧର କରିବା ସହ ଟଣାଓଟରା କରିଥିଲେ ।

ମାମଲା ଥାନାରେ ପହଞ୍ଚିଲା । ପୋଲିସ ଉଦ୍ୟମରେ ଘଟଣାଟି ଆପୋସ ବୁଝାମଣା ହୋଇଥିଲା । ତେବେ ଏହି ଘଟଣାକୁ ନେଇ ‘ଇଟିଭି ଭାରତ’ରେ ଖବର ପ୍ରକାଶ ପାଇଥିଲା । ଏହାପରେ ମାଜିଷ୍ଟ୍ରେଟ ସଂଗ୍ରାମ ମିଶ୍ରଙ୍କ ପରିବାର ଲୋକଙ୍କ ଅଭିଯୋଗ ଅଧାରରେ ଓ ଗଣମାଧ୍ୟମରେ ଖବର ପ୍ରକାଶ ପାଇବା ପରେ ପୋଲିସ 2 ଅଭିଯୁକ୍ତଙ୍କୁ ଗିରଫ କରିଛି ଖଣ୍ଡଗିରି ପୋଲିସ । 2 ଅଭିଯୁକ୍ତ ସ୍ଥାନୀୟ ଅଞ୍ଚଳରେ ଆତଙ୍କ ଖେଲାଉଥିଲେ ବୋଲି ଜଣା ପଡିଛି ।

ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ