ଭୁବନେଶ୍ବର: ନନ୍ଦନକାନନ ପ୍ରାଣୀ ଉଦ୍ୟାନରେ ଡରାଉଛି ହରପିସ୍ ଭୂତାଣୁ । ଗତ ତିନି ସପ୍ତାହ ଭିତରେ 3ଟି ହାତୀଙ୍କର ମୃତ୍ୟୁ ହେଲାଣି । ଗତକାଲି(ଗୁରୁବାର) 7 ବର୍ଷର ମାଇହାତୀ କମଳାର ମୃତ୍ୟୁ ଘଟିଥିବା ବେଳେ ଏବେ ଗୌରୀ ନାମକ ଆଉ ଏକ ହାତୀକୁ ଆକ୍ରାନ୍ତ କରିଛି ହରପିସ୍ ଭୂତାଣୁ ।
ଡରାଉଛି ହରପିସ୍ ଭୂତାଣୁ, କମଳା ପରେ ସଙ୍କଟରେ ହାତୀ ଗୌରୀ
ହାତୀ କିପରି ସୁରକ୍ଷିତ ଭାବରେ ରହିପାରିବେ ଏନେଇ ଆସାମ ପ୍ରାଣୀ ବିଜ୍ଞାନ କେନ୍ଦ୍ରକୁ ଅନୁରୋଧ କରାଯାଇଛି । ଗୌରୀକୁ ଗତକାଲି(ଗୁରୁବାର)ଠାରୁ ଏକ ଆସିକ କ୍ଲୋଭିନ ନାମକ ଆଣ୍ଟିବାଓଟିକ ମେଡିସିନ ଦିଆଯାଇଛି । ତେବେ ନନ୍ଦନକାନନରେ ରହିଥିବା 2ଟି ହାତୀ ଛାଡିଦେଲା ପରେ ଅନ୍ୟ 6ଟି ହାତୀଙ୍କୁ ଜଙ୍ଗଲରୁ ଉଦ୍ଧାର କରାଯାଇ ନନ୍ଦନକାନନ ଅଣାଯାଇଛି। ଏହି ଭୂତାଣୁ କେବଳ ହାତୀଙ୍କ ଉପରେ ସଂକ୍ରମଣ କରିଛି । ଏକ ବର୍ଷରୁ 15 ବର୍ଷ ମଧ୍ୟରେ ହାତୀ ସଂକ୍ରମଣ ହେଉଛନ୍ତି ।