ଭୁବନେଶ୍ବର: ନନ୍ଦନକାନନରେ ହାତୀ ମୃତ୍ୟୁକୁ ନେଇ ବସିଛି ଗୁରୁତ୍ବପୂର୍ଣ୍ଣ ବୈଠକ । ହାରପିସ୍ ଭାଇରସ ଯୋଗୁଁ ହାତୀଙ୍କ ମୃତ୍ୟୁ ଘଟୁଛି । ତେଣୁ ଏହି ଭାଇରସକୁ ରୋକିବା ପାଇଁ ରାଜ୍ୟ ବାହାରୁ 4 ଜଣିଆ ଏକ୍ସପର୍ଟ ଟିମ ଆସିବ ବୋଲି ବୈଠକରେ ଗୁରୁତ୍ବ ଦିଆଯାଇଛି ।
୪ ଟି ହାତୀ ମୃତ୍ୟୁ ପରେ ନନ୍ଦନକାନନ କର୍ତ୍ତୃପକ୍ଷଙ୍କ ଚେତା ପଶିଛି । ହେଲେ ପ୍ରଶ୍ନ ଉଠୁଛି ୪ ଟି ହାତୀ ମୃତ୍ୟୁ ପରେ ପଦକ୍ଷେପ ନିଆଯାଉଛି କିନ୍ତୁ ପୂର୍ବରୁ କଣ ପାଇଁ ଚୁପ ବସିଥିଲେ କର୍ତ୍ତୃପକ୍ଷ ।
ମୃତ ଓ ଜୀବିତ ହାତୀର ରକ୍ତ ନମୁନା ଆମେରିକାର ପ୍ରାଣୀ ଗବେଷଣା କେନ୍ଦ୍ରକୁ ପଠାଯାଇଛି । ଆମେରିକାର ଦି ସ୍ମିଥ ସୋନିଆନ୍ସ ଜୁ ଓ ଗବେଷଣା କେନ୍ଦ୍ରକୁ ନନ୍ଦନକାନନ ଟିମ ଯୋଗାଯୋଗ କରିଛି । ମାମା ଓ ହୀରା ଏହି ୨ ଟି ହାତୀଙ୍କ ସ୍ବାସ୍ଥ୍ୟ ଉପରେ ଆଲୋଚନା କରାଯାଇଛି । ଯେହେତୁ ମାମାର ବୟସ 2 ବର୍ଷ ରହିଛି ଓ ହୀରାର ବୟସ 21 ବର୍ଷ ରହିଛି । ସେମାନେ କିଭଳି ସୁରକ୍ଷିତ ଭାବେ ରହିବେ ସେ ନେଇ ତତ୍ପର ପ୍ରକାଶ କରିଛି ସଂସ୍ଥା। ବୈଠକରେ ଡ଼ାଇରେକ୍ଟର ଶଶୀ ପାଲ, ଡେ଼ପୁଟି ଡ଼ାଇରେକ୍ଟର ଜୟନ୍ତ ଦାସ, ସ୍ବତନ୍ତ୍ର ଡାକ୍ତରୀ ଟିମ ଓ ବନପ୍ରାଣୀ ବିଭାଗର ଅଧିକାରୀ ବୈଠକରେ ଉପସ୍ଥିତ ଅଛନ୍ତି।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ