ଭୁବନେଶ୍ବର: ଫିଟନେସ ଟେଷ୍ଟରେ ଫେଲ ମାରିଛି ସ୍କୁଲ ଓ କଲେଜ ବସ । ସିଜ କରିଛି ଭୁବନେଶ୍ବର ଆରଟିଓ । ଏନେଇ ଆରଟିଓ 1 ପକ୍ଷରୁ ଦୁଇଟି ଓ ଆରଟିଓ 2 ପକ୍ଷରୁ ଦୁଇଟି ବସକୁ ସିଜ କରାଯାଇଛି। ଯେଁଉଥରେ ରହିଛି ନାଳନ୍ଦା ଇନଷ୍ଟିଚ୍ୟୁଟ ଅଫ ଟେକ୍ନୋଲୋଜି (ଏନଆଇଟି)ର ଦୁଇଟି ବସ ଓ ଇନଫୋସିଟି ଅଞ୍ଚଳର ସରସ୍ବତୀ ଶିଶୁ ବିଦ୍ୟା ମନ୍ଦିରର ଦୁଇଟି ବସ ।
ଏନଆଇଟିର ଦୁଇଟି ବସ ନୟାପଲ୍ଲୀ ଅଞ୍ଚଳରେ ଚାଲୁଥିବା ବେଳେ ସିଜ କରି ନିଜ ହେପାଜତକୁ ନେଇଛନ୍ତି ଆରଟିଓ 1 ଅଧିକାରୀ । ଏଥିସହ 25 ହଜାର 500 ଲେଖାଏଁ ଫାଇନ ଓ ନୋଟିସ ମଧ୍ୟ ଜାରି କରାଯାଇଛି । ସେହିପରି ଆରଟିଓ 2 ପକ୍ଷରୁ ସରସ୍ବତୀ ଶିଶୁ ବିଦ୍ୟା ମନ୍ଦିର ଦୁଇଟି ବସକୁ ପଲ୍ୟୁସନ ସାର୍ଟିଫିକେଟ, ଭାଲିଡ ରେଜିଷ୍ଟ୍ରେସନ, ଭାଲିଡ ଫିଟନେସ, ଭାଲିଡ ପରମିଟ, ଭାଲିଡ ଡିଏଲ ନଥିବା ନେଇ ସିଜ କରି 37 ହଜାର 500ଟଙ୍କାର ଫାଇନ ଲଗାଇ ନୋଟିସ କରାଯାଇଛି।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
