ଭୁବନେଶ୍ବର: ନିଆରା ଶିକ୍ଷୟିତ୍ରୀ ରତ୍ନା ମଞ୍ଜରୀ । ବୃତ୍ତିରେ ଜଣେ ଶିକ୍ଷୟତ୍ରୀ । କିନ୍ତୁ ଲକ୍ଷ୍ୟ ତାଙ୍କର ଲକ୍ଷ୍ୟ ସମାଜରେ ପରିବର୍ତ୍ତନ ଆଣିବା । ପିଲାଙ୍କ ପସନ୍ଦ ଏବଂ ସେମାନଙ୍କର ଜୀବନଶୈଳୀରେ ପରିବର୍ତ୍ତନ ଆଣିପାରୁଥିବା ଜଣେ ସ୍ନେହୀ ଶିକ୍ଷୟିତ୍ରୀ । ସେ ହେଉଛନ୍ତି ଭୁବନେଶ୍ବରର ଆଇଆରସି ଭିଲେଜ୍ ସ୍ଥିତ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟର ଶିକ୍ଷୟତ୍ରୀ ରତ୍ନାମଞ୍ଜରୀ ଦାଶ । ପବିତ୍ର ଗୁରୁ ଦିବସ ଅବସରରେ ବିଦ୍ୟାଳୟ ଓ ଗଣଶିକ୍ଷା ବିଭାଗ ଏଭଳି ଜଣେ ନିଆରା ଶିକ୍ଷୟିତ୍ରୀଙ୍କ ସମ୍ପର୍କରେ ଟୁଇଟ୍ କରି ଅନ୍ୟମାନଙ୍କୁ ଅବଗତ କରାଇବା ସହ ସେ ସମସ୍ତଙ୍କ ପାଇଁ ଆଦର୍ଶ ପାଲଟିଛନ୍ତି ।
ମାଗଣା କ୍ଲାସ୍ କରି ଛୋଟ ଛୋଟ ପିଲାଙ୍କୁ ନୈତିକ ଶିକ୍ଷା ଦେଉଛନ୍ତି । ଶିକ୍ଷୟତ୍ରୀ ରତ୍ନାମଞ୍ଜରୀ କେବଳ ନିଜକୁ ଶିକ୍ଷାଦାନରେ ସୀମିତ ରଖି ନାହାନ୍ତି । ବରଂ ଶିକ୍ଷା ଓ ସଂସ୍କାରଧର୍ମୀ ମାଧ୍ୟମରେ ବି ଛାତ୍ରଛାତ୍ରୀଙ୍କର ଆଦର୍ଶ ପାଲଟିଛନ୍ତି । ମାଗଣା କ୍ଲାସ୍ କରି ଛୋଟ ଛୋଟ ପିଲାଙ୍କୁ ନୈତିକ ଶିକ୍ଷା ଦେଉଛନ୍ତି । ସ୍ବଳ୍ପ ମୂଲ୍ୟରେ ଶିକ୍ଷାଦାନ ସାମଗ୍ରୀ ପ୍ରଦାନ କରି ବସ୍ତି ପିଲାଙ୍କ ଭବିଷ୍ୟତ ଗଠନ କରୁଛନ୍ତି । ବାଲ୍ୟ ବିବାହ ଓ ସ୍କୁଲ ଡ୍ରପ-ଆଉଟ୍ ରୋକିବା କ୍ଷେତ୍ରରେ ମଧ୍ୟ ତାଙ୍କର ପ୍ରମୁଖ ଅବଦାନ ରହିଛି । ଆଇଆର୍ସି ଭିଲେଜ୍ ଅଞ୍ଚଳରେ ଥିବା ସାଲିଆ ସାହି ବସ୍ତି ଭଳି ଅନେକ ବସ୍ତିଗୁଡ଼ିକରେ ଅଧାରୁ ପାଠପଢ଼ା ଛାଡ଼ୁଥିବା ପିଲାଙ୍କୁ ପୁଣିଥରେ ସ୍କୁଲକୁ ଫେରାଇ ଆଣିବା ଦିଗରେ ଏକାଧିକ ପଦକ୍ଷେପ ନେଇଛନ୍ତି । ଏନେଇ ତାଙ୍କରି ଦଗଦର୍ଶନରେ ବହୁ ଛାତ୍ରଛାତ୍ରୀ ଏବେ ରାଜ୍ୟ ତଥା ଦେଶରେ ନାଁ କରିଛନ୍ତି ।