କଳା ଟଙ୍କାରେ ସରକାରୀ ବାବୁଙ୍କ ସମ୍ପତ୍ତିର ପାହାଡ, ବାଜ୍ୟାପ୍ତ କଲା ED

ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଜବତ ହୋଇଥିବା ଦୁଇ ସରକାରୀ ବାବୁଙ୍କ ସମ୍ପତ୍ତି ବାଜ୍ୟାପ୍ତ କଲା ଅର୍ଥନୈତିକ ପ୍ରବର୍ତ୍ତନ ନିର୍ଦ୍ଦେଶାଳୟ (ED)। ଅଧିକ ପଢନ୍ତୁ

ଭୁବନେଶ୍ବର: ଦୁଇ ସରକାରୀ ବାବୁଙ୍କ ସମ୍ପତ୍ତି ବାଜ୍ୟାପ୍ତ କଲା ଅର୍ଥନୈତିକ ପ୍ରବର୍ତ୍ତନ ନିର୍ଦ୍ଦେଶାଳୟ (ED)। ଓଡିଶା ଫରେଷ୍ଟ କର୍ପୋରେସନର ପୂର୍ବତନ ଡିଭିନାଲ ମାନେଜର ମହେଶ୍ବର ପ୍ରଧାନଙ୍କ ୨.୦୪କୋଟି ଟଙ୍କାର ସମ୍ପତ୍ତି ଓ ଇଷ୍ଟ କୋଷ୍ଟ ରେଲୱେର ସିନିୟର ଟ୍ରାଭେଲି ଇନସ୍ପେକ୍ଟର ରବି ନାରାୟଣ ରଥଙ୍କ ୧.୬୪କୋଟି ବାଜ୍ୟାପ୍ତ କରିଛି ଅର୍ଥନୈତିକ ପ୍ରବର୍ତ୍ତନ ନିର୍ଦ୍ଦେଶାଳୟ ।

୨୦୨୦ ଜାନୁଆରୀ ୨୧ତାରିଖରେ ମହେଶ୍ବର ପ୍ରଧାନଙ୍କ ଘରେ ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗର ରେଡ କରାଯାଇଥିଲା । ରେଡ ବେଳେ ୨.୦୪କୋଟି ଟଙ୍କାର ସମ୍ପତ୍ତି ଜବତ ହୋଇଥିଲା । ତେବେ ସେହି ସବୁ ଆୟ ଟଙ୍କାକୁ ପ୍ରିଭେନସନ ଅଫ ମନି ଲଣ୍ଡରି ଆକ୍ଟ ଆଧାରରେ ବାଜ୍ୟାପ୍ତ କରିଛି ଇଡି । ସେହିପରି ରବି ନାରାୟଣ ରଥ ୨୦୨୧ ଫେବୃଆରୀ ୨ତାରିଖରେ ଆୟ ବହିର୍ଭୂତ ସମ୍ପତ୍ତି ଠୁଳ ମାମଲାରେ ସିବିଆଇ ହାତର ଧରାପଡିଥିଲେ । ତାଙ୍କ ଠାରୁ ୧କୋଟି ୮୦ଲକ୍ଷର ସମ୍ପତ୍ତି ଠାବ ହୋଇଥିବା ବେଳେ ସେଥି ମଧ୍ୟରେ ୧.୬୪ କୋଟି ଟଙ୍କାର ସମ୍ପତ୍ତି ବାଜ୍ୟାପ୍ତ କରିଛି ଅର୍ଥନୈତିକ ପ୍ରବର୍ତ୍ତନ ନିର୍ଦ୍ଦେଶାଳୟ ।

ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ