ଭୁବନେଶ୍ବର: ଭାରତୀୟ ରେଳ ପାର୍ବଣ ସମୟରେ ଯାତ୍ରୀଙ୍କୁ ସୁଗମ ତଥା ଆରାମଦାୟକ ଯାତ୍ରା ସୁନିଶ୍ଚିତ କରିବା ପାଇଁ ପୂର୍ବତଟ ରେଳପଥରେ ସାମିଲ ହୋଇଛି ୭ ଯୋଡା ସ୍ବତନ୍ତ୍ର ଟ୍ରେନ । ନିୟମିତ ଚଳାଚଳ କରୁଥିବା ସ୍ବତନ୍ତ୍ର ଟ୍ରେନ୍ ଏବଂ ନିୟମିତ ଟ୍ରେନରେ କୋଚ୍ ବୃଦ୍ଧି, ପ୍ରମୁଖ ଷ୍ଟେସନରେ ଭିଡ଼ ପରିଚାଳନା ଉପରେ ଦିଆଯାଉଛି ପ୍ରାଧାନ୍ୟ ।
ନିଜ ପରିବାର ସହିତ ପର୍ବ ପାଳନ କରିବା ପାଇଁ ନିଜ ଜନ୍ମସ୍ଥାନକୁ ଯାଉଥିବା ଯାତ୍ରୀମାନଙ୍କ ପାଇଁ ପାର୍ବଣ ଋତୁରେ ଭାରତୀୟ ରେଳବାଇ ବିଶେଷ ବ୍ୟବସ୍ଥା ସୁନିଶ୍ଚିତ କରି ଯାତ୍ରୀମାନଙ୍କ ସହିତ ଉତ୍ସବର ସୁବିଧା ପ୍ରଦାନ କରୁଛି । ରେଳ ଯାତ୍ରୀମାନଙ୍କ ସୁବିଧା ପାଇଁ ଏବଂ ଏହି ପାର୍ବଣ ଋତୁରେ ଯାତ୍ରୀମାନଙ୍କ ଅତିରିକ୍ତ ଭିଡ଼କୁ ଦୂର କରିବା ପାଇଁ ଭାରତୀୟ ରେଳବାଇ ଚଳିତ ବର୍ଷ ଦୁର୍ଗା ପୂଜାଠାରୁ ଛଟ ପୂଜା ପର୍ଯ୍ୟନ୍ତ 110ଟି ସ୍ବତନ୍ତ୍ର ଟ୍ରେନର 668ଟି ଟ୍ରିପ ଯାତ୍ରା କରାଉଛି । ଏହା ବ୍ୟତୀତ ନିୟମିତ ଟ୍ରେନରେ କୋଚମାନଙ୍କର ବୃଦ୍ଧିକୁ ସୁନିଶ୍ଚିତ କରିବା ପାଇଁ ପ୍ରୟାସ କରାଯାଉଛି । ରେଳ ସେକ୍ଟରରେ ଦେଶର ପ୍ରମୁଖ ଗନ୍ତବ୍ୟସ୍ଥଳକୁ ସଂଯୋଗ କରିବା ପାଇଁ ସ୍ବତନ୍ତ୍ର ଟ୍ରେନ୍ ଯୋଜନା କରାଯାଇଛି । ମୋଟାମୋଟି ୭ ଯୋଡା ସ୍ବତନ୍ତ୍ର ଟ୍ରେନ୍ ପୂର୍ବତଟ ରେଳପଥ ପରିସୀମାରୁ ଏହା ମଧ୍ୟ ଦେଇ ଚଳାଚଳ କରୁଛି ।
ଏହି ଟ୍ରେନ୍ ଗୁଡିକ ହେଉଛି:-
08579/08580 ବିଶାଖାପାଟନମ୍-ସିକନ୍ଦରାବାଦ-ବିଶାଖାପାଟନମ୍ ସ୍ପେଶାଲ୍
08583/08584 ବିଶାଖାପାଟନମ୍-ତିରୁପତି-ବିଶାଖାପାଟନମ୍ ସ୍ପେଶାଲ୍
08585/08586 ବିଶାଖାପାଟନମ୍-ସିକନ୍ଦରାବାଦ-ବିଶାଖାପାଟନମ୍ ସ୍ପେଶାଲ୍
08439/08440 ପୁରୀ-ପାଟଣା-ପୁରୀ ସ୍ପେଶାଲ
08179/08180 ହାଓଡ଼ା-ପୁରୀ-ହାଓଡ଼ା ସ୍ପେଶାଲ
08197/08198 ଟାଟା-କାଚେଗୁଡା-ଟାଟା ସ୍ପେଶାଲ୍ ଏବଂ
06036/06035 ଚେନ୍ନାଇ ସେଣ୍ଟ୍ରାଲ୍-ସାନ୍ତ୍ରାଗଛି-ଚେନ୍ନାଇ ସେଣ୍ଟ୍ରାଲ୍ ସ୍ପେସିଆଲ୍
ଏହା ବ୍ୟତୀତ ଯାତ୍ରୀମାନଙ୍କ ସୁବିଧା ପାଇଁ ଦେଶର ଗୁରୁତ୍ବପୂର୍ଣ୍ଣ ସହରଗୁଡ଼ିକୁ ସଂଯୋଗ କରୁଥିବା ଅନେକ ସ୍ବତନ୍ତ୍ର ଟ୍ରେନ୍ ପୂର୍ବତଟ ରେଳପଥ ପରିସୀମା ମଧ୍ୟଦେଇ ଚଳାଚଳ କରୁଛି । ସଂରକ୍ଷିତ କୋଚରେ ଯାତ୍ରୀଙ୍କ କ୍ରମାଗତ ଭାବରେ ପ୍ରବେଶ ପାଇଁ RPF କର୍ମଚାରୀଙ୍କ ତତ୍ତ୍ବାବଧାନରେ ଟର୍ମିନାସ ଷ୍ଟେସନରେ ଧାଡି ଗଠନ କରି ଭିଡ଼ ନିୟନ୍ତ୍ରଣ ପଦକ୍ଷେପ ନିଶ୍ଚିତ କରାଯାଉଛି । ଯାତ୍ରୀଙ୍କ ସୁରକ୍ଷା ସୁନିଶ୍ଚିତ କରିବା ପାଇଁ ପ୍ରମୁଖ ଷ୍ଟେସନରେ ଅତିରିକ୍ତ RPF କର୍ମଚାରୀ ନିୟୋଜିତ ହୋଇଛନ୍ତି । ଟ୍ରେନଗୁଡିକର ସୁଗମ ଚାଲିବା ନିଶ୍ଚିତ କରିବାକୁ ପ୍ରମୁଖ ଷ୍ଟେସନରେ ଜରୁରୀକାଳୀନ ଡ୍ୟୁଟିରେ ଅଧିକାରୀ ନିୟୋଜିତ ହୋଇଛନ୍ତି ।
ପ୍ରାଥମିକତା ଉପରେ ଟ୍ରେନ୍ ସେବାରେ ଯେପରି କୌଣସି ପ୍ରକାର ବ୍ୟାଘାତ ନ ଘଟେ ସେଥିପାଇଁ କର୍ମଚାରୀଙ୍କୁ ବିଭିନ୍ନ ବିଭାଗରେ ନିୟୋଜିତ କରାଯାଇଛି । ପ୍ଲାଟଫର୍ମ ନମ୍ବର ସହିତ ଟ୍ରେନର ଆଗମନ ଓ ପ୍ରସ୍ଥାନ ବିଷୟରେ ବାରମ୍ବାର ଏବଂ ସମୟାନୁବର୍ତ୍ତୀ ଘୋଷଣା ପାଇଁ ପଦକ୍ଷେପ ନିଆଯାଇଛି । 'ମୁଁ ଆପଣଙ୍କୁ ସାହାଯ୍ୟ କରିପାରେ କି' ବୁଥଗୁଡିକ ଗୁରୁତ୍ବପୂର୍ଣ୍ଣ ଷ୍ଟେସନରେ କାର୍ଯ୍ୟକ୍ଷମ ରଖାଯାଇଛି ଯେଉଁଠାରେ ଯାତ୍ରୀମାନଙ୍କ ଉପଯୁକ୍ତ ସହାୟତା ଏବଂ ମାର୍ଗଦର୍ଶନ ପାଇଁ RPF କର୍ମଚାରୀ ଏବଂ ଟିଟିଇଗୁଡିକ ନିୟୋଜିତ ହୋଇଛନ୍ତି । ଯୋଗାଯୋଗ ମାଧ୍ୟମରେ ମେଡିକାଲ ଟିମ୍ ପ୍ରମୁଖ ଷ୍ଟେସନରେ ଉପଲବ୍ଧ ହେବାପାଇଁ ବ୍ୟବସ୍ଥା କରାଯାଇଛି ।
ପାରାମେଡିକାଲ୍ ଟିମ୍ ସହିତ ଆମ୍ବୁଲାନ୍ସ ମଧ୍ୟ ଉପଲବ୍ଧ କରାଯାଇଛି । ସୁରକ୍ଷା ଏବଂ ସତର୍କତା ବିଭାଗ କର୍ମଚାରୀଙ୍କ ଦ୍ବାରା ଯେକୌଣସି ଅପବ୍ୟବହାର ଉପରେ ନଜର ରଖାଯାଇଛି । ଯାହାଦ୍ବାରା ବେଆଇନ କାର୍ଯ୍ୟକଳାପ ଇତ୍ୟାଦିକୁ ପ୍ରଶମିତ କରାଯାଇ ହେବ । ୱେଟିଂ ହଲ୍, ରିଟାୟାରିଂ ରୁମ, ବିଶେଷ ଭାବରେ ଯାତ୍ରୀଙ୍କ ସୁବିଧା କ୍ଷେତ୍ର ଏବଂ ସାଧାରଣତଃ ଷ୍ଟେସନରେ ପରିଷ୍କାର ପରିଚ୍ଛନ୍ନତା ପାଇଁ ବିଶେଷ ଧ୍ୟାନ ଦେବାକୁ ପଦକ୍ଷେପମାନ ଗ୍ରହଣ କରାଯାଇଛି ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
