ଭୁବନେଶ୍ବର: ବିବାଦୀୟ ବୟାନ ଦେଇ ଫସିଗଲେ ଡିଏସପି ବାବୁ। ପୋଲିସକୁ ସୁରକ୍ଷା ଦରକାର ବୋଲି ଦାବି କରି ଓଡିଶା ପୋଲିସ ସଂଘ ପକ୍ଷରୁ ସାମ୍ବାଦିକ ସମ୍ମିଳନୀ ଡକାଇବା ପରେ ଏବେ ହରଡଘଣାରେ ଡିଏସପି ସତ୍ୟଜିତ ମିଶ୍ର ।
ତେବେ ସତ୍ୟଜିତ ପୋଲିସକୁ ସୁରକ୍ଷା ଦରକାର କଥା କହି ନଥିବା ସେ ପୋଲିସ ଡିଜିଙ୍କୁ ଦେଇଥିବା ଚିଠିରେ ଉଲ୍ଲେଖ କରିଛନ୍ତି। ସେ କହିଛନ୍ତି କି ଦୁର୍ବଳ ସାମ୍ବାଦିକତା ହିଁ ମୋର ବୟାନକୁ ଏପରି ଚିତ୍ରିତ କରିଛନ୍ତି। ଏହାକୁ ନେଇ ସେ କୌଣସି ପ୍ରକାର ଭୁଲ କହିନଥିବା କହି ପୋଲିସ ଡିଜିଙ୍କୁ ଦେଇଥିବା ଚିଠିରେ ସଙ୍ଘ ପକ୍ଷରୁ କ୍ଷମା ପ୍ରାର୍ଥନା କରିଛନ୍ତି।
ସେ ଏପରି କହିଛନ୍ତି ଯେ ସାଧାରଣ ଲୋକଙ୍କ ସେବାରେ ଥିବା ଡାକ୍ତର ଅନେକ ସମୟରେ ଲୋକଙ୍କ ଆକ୍ରୋଶର ଶିକାର ହେଉଛନ୍ତି । ଏପରି ସ୍ଥଳେ ସରକାରଙ୍କୁ ନିବେଦନ କରିବେ ସେମାନଙ୍କ ସୁରକ୍ଷା ନେଇ କଠୋର ପଦକ୍ଷେପ ନିଆଯାଉ। ଏପରିକି ଲୋକଙ୍କ ସୁରକ୍ଷା ନେଇ ପୋଲିସ ସେମାନଙ୍କର ନିଷ୍ଠା ଓ କର୍ତ୍ତବ୍ୟର ସହ ଦାୟିତ୍ବ ନିର୍ବାହ କରୁଛନ୍ତି ବୋଲି ସେ ଚିଠିରେ ଉଲ୍ଲେଖ କରିଛନ୍ତି ।