ଭୁବନେଶ୍ବର/କୋରାପୁଟ: ସାପ ଓ କୁକୁର ମଧ୍ୟରେ ଲଢେଇ । ଶେଷରେ ସାପ ବାଜିମାତ୍ କରି ଥିବାବେଳେ ଜୀବନ ହାରିଛି କୁକୁର ଟାଇସନ । ଏପରି ଚିତ୍ର ଦେଖିବାକୁ ମିଳିଛି କୋରାପୁଟର ସୁନାବେଡା ପବ୍ଲିକ ସ୍କୁଲରେ । ପରେ ସାପକୁ ଉଦ୍ଧାର କରି ପ୍ରାକୃତିକ ଆବାସସ୍ଥଳରେ ଛାଡି ଦିଆଯାଇଛି ।
ମାଲିକ ପାଇଁ ନାଗ ସହ ଲଢି ଜୀବନ ହାରିଲା ଟାଇସନ, ଝୁରୁଛନ୍ତି ସାଥୀ କୁକୁର - ସାପ କୁକୁର ଲଢେଇ
ସାପ ଓ କୁକୁର ମଧ୍ୟରେ ଲଢେଇରେ ସାପର ବାଜିମାତ୍ । ମାଲିକ ପାଇଁ ଲଢି ଲଢି ଶେଷରେ ଜୀବନ ହାରି ଦେଇଛି କୁକୁର । ଅଧିକ ପଢନ୍ତୁ
ମାଲିକ ପାଇଁ ନାଗ ସହ ଲଢ଼ି ଜୀବନ ହାରିଲା କୁକୁର
ସୁନାବେଡା ପବ୍ଲିକ ସ୍କୁଲ ହତାରେ ରହୁଥିଲେ ଟାଇସନ ସମେତ ବକ୍ସର ବ୍ରିଡ଼ର 4 କୁକୁର । କୁକୁର ରହିଥିବା ହତା ଭିତରକୁ ପଶି ଆସିଥିଲା ଏକ ସାଢ଼େ 3 ଫୁଟିଆ ନାଗ ସାପ । ସାପକୁ ଦେଖି ଅନ୍ୟ 3 ଜଣ ସାଥୀ ଦୂରକୁ ଚାଲି ଯାଇଥିଲେ । ହେଲେ ବିଶ୍ୱସ୍ତ ଟାଇସନ, ତା'ର ମାଲିକ ପାଇଁ ବିଷଧର ନାଗ ସହ ଲଢ଼ିଥିଲା । ଗତକାଲି(ମଙ୍ଗଳବାର) ସନ୍ଧ୍ୟା ପ୍ରାୟ 8.45 ବେଳେ ଏହି ଘଟଣା ଘଟିଥିଲା, କିନ୍ତୁ ସ୍କୁଲର କୌଣସି ବ୍ୟକ୍ତି ଦେଖି ପାରିନଥିଲେ । ଟାଇସନ ଭୁକିବା ଶୁଣି ସ୍କୁଲ କର୍ମଚାରୀ ନାଗସାପକୁ ଉଦ୍ଧାର କରିବା ପାଇଁ ସ୍ନେକ ହେଲ୍ପ ଲାଇନକୁ ଅନୁରୋଧ କରିଥିଲେ । ସ୍ନେକ ହେଲ୍ପ ଲାଇନ ସଦସ୍ୟ ସୁଜିତ କୁମାର ମହାନ୍ତି ଘଟଣାସ୍ଥଳରେ ପହଞ୍ଚିଥିଲେ ।
ମାଲିକ ପାଇଁ ନାଗ ସହ ଲଢ଼ି ଜୀବନ ହାରିଲା କୁକୁର
ଭୁବନେଶ୍ବରରୁ ଭବାନୀ ଶଙ୍କର ଦାସ ଏବଂ କୋରାପୁଟରୁ ସି.ଏଚ ଶାନ୍ତାକାର, ଇଟିଭି ଭାରତ