ଭୁବନେଶ୍ବର: କୋଭିଡ ହସ୍ପିଟାଲରେ ଅବ୍ୟବସ୍ଥା । ରୋଗୀମାନେ ହସ୍ପିଟାଲର ଚଟାଣରେ ଶୋଇଥିବା ଏକ ଭିଡିଓ ଭାଇରାଲ ହୋଇଥିଲା। ଏ ଦିଗରେ ଅନୁସନ୍ଧାନ ହେବ ଏବଂ ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଛନ୍ତି ଡିଏମଇଟି ।
କୋଭିଡ ହସ୍ପିଟାଲରେ ଅବ୍ୟବସ୍ଥା,ଦୋଷୀଙ୍କ ବିରୋଧରେ ନିଆଯିବ କାର୍ଯ୍ୟାନୁଷ୍ଠାନ: ଡିଏମଇଟି
ବାରିପଦା କୋଭିଡ ହସ୍ପିଟାଲରେ କୋଭିଡ ରୋଗୀ ଚଟାଣରେ ସୋଇଥିବାର ଭିଡିଓ ସୋମବାର ଭାଇରାଲ ହୋଇଥିଲା । ତେବେ ଏ ଦିଗରେ ଜିଲ୍ଲା ପ୍ରଶାସନ ଅନୁସନ୍ଧାନ କରିବ। ଯଦି ସରକାରଙ୍କ ନଜରକୁ ଆସେ ତେବେ ନିଶ୍ଚିତ ରୂପେ ସେ ଦିଗରେ ଅନୁସନ୍ଧାନ ହେବ ଏବଂ ଯେଉଁମାନେ ଦୋଷୀ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ଯେଉଁ ଦିନ ଟିମ ହସ୍ପିଟାଲ ତଦାରଖ ପାଇ ଯାଉଛନ୍ତି ସେହିଦିନ ହସ୍ପିଟାଲର ବ୍ୟବସ୍ଥା ଠିକ୍ ରହିଥିବା କହିଛନ୍ତି ଡ଼ି ଏମଇଟି ସିବିକେ ମହାନ୍ତି ।