ଭୁବନେଶ୍ବର: ବିଧାନସଭା ପରିସରରେ ପାଳନ ହେଲା ଗାନ୍ଧୀଙ୍କ ଓଡିଶା ଆଗମନ ୧୦୦ ବର୍ଷ ପୂର୍ତ୍ତି । ଏହି ଉପଲକ୍ଷେ ଓଡିଶା ବିଧାନସଭା ପରିସରରେ ଥିବା ଗାନ୍ଧୀଙ୍କ ପ୍ରତିମୂର୍ତ୍ତିରେ ପୁଷ୍ପ ଅର୍ପଣ କଲେ ବିଧାନସଭାର ସମସ୍ତ ସଦସ୍ୟ । ସେପଟେ ଗାନ୍ଧିଜୀଙ୍କ ଓଡ଼ିଶା ଆଗମନର ଶୁଭ ଶତବାର୍ଷିକୀ ଅବସରରେ ସମସ୍ତଙ୍କୁ ଅଭିନନ୍ଦନ ଜଣାଇଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।
ଗାନ୍ଧିଜୀଙ୍କ ଓଡ଼ିଶା ଗସ୍ତର ସ୍ବର୍ଣ୍ଣିମ ଅଧ୍ୟାୟ ଓଡ଼ିଆଙ୍କ ପାଇଁ ଗୌରବର କ୍ଷଣ ବୋଲି କହିଛନ୍ତି କେନ୍ଦ୍ର ପେଟ୍ରୋଲିୟମ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଧର୍ମେନ୍ଦ୍ର ଟ୍ବିଟ କରି କହିଛନ୍ତି ଯେ ‘ମାନବିକତାର ପ୍ରତୀକ ମହାତ୍ମା’ । ଆଧ୍ୟାତ୍ମିକ ଚେତନାର ଦିବ୍ୟଭୂମି ଓଡ଼ିଶାରେ ସତ୍ୟନିଷ୍ଠା ତଥା ମାନବିକତାର ଅନନ୍ୟ ମୂର୍ତ୍ତିମନ୍ତ ପ୍ରତୀକ ମହାତ୍ମା ଗାନ୍ଧୀଜୀଙ୍କ ଆଗମନର ଶୁଭ ଶତବାର୍ଷିକୀ ଅବସରରେ ସମସ୍ତଙ୍କୁ ଅଭିନନ୍ଦନ ।