ଭୁବନେଶ୍ବର: ଆସନ୍ତାକାଲି ହେବ ଉପବାଚସ୍ପତି ନିର୍ବାଚନ । ଏନେଇ ବିଧାନସଭାରେ ଘୋଷଣା କରିଛନ୍ତି ବାଚସ୍ପତି ସୂର୍ଯ୍ୟନାରାୟଣ ପାତ୍ର। ବିଜେଡି ପକ୍ଷରୁ ରଜନୀକାନ୍ତ ସିଂଙ୍କୁ ପ୍ରାର୍ଥୀ ଘୋଷଣା କରାଯାଇଛି । ସଂଖ୍ୟା ଦୃଷ୍ଟିରୁ ବିଜେଡି ଏହି ସିଟ ପାଇଁ ଦାବିଦାର ରହିଛି ।
ଉପବାଚସ୍ପତି ନିର୍ବାଚନ ପାଇଁ ଆଜି ମଧ୍ୟାହ୍ନ 12ଟା ପୂର୍ବରୁ ଆଶାୟୀ ପ୍ରାର୍ଥୀ ଆବେଦନ କରିପାରିବେ ବା କେହି ନାମ ପ୍ରସ୍ତାବ ଦେଇପାରିବେ। ସେମାନଙ୍କର ପ୍ରସ୍ତାବକୁ ବିଧାନସଭାରେ ଦେଇ ପାରିବେ ବୋଲି ବାଚସ୍ପତି କହିଛନ୍ତି । ଯଦି କେହି ଆବେଦନ କଲେ ନିର୍ବାଚନ ହେବ ନହେଲେ ରଜନୀକାନ୍ତଙ୍କ ନାମ ସର୍ବସମ୍ମତ କ୍ରମେ ଘୋଷଣା କରାଯିବ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ