ଭୁବନେଶ୍ବର: କୋରୋନା କବଳରେ କବଳିତ ଏବେ ସାରା ବିଶ୍ବ । ଏହାର ପ୍ରତିହତ ପାଇଁ ଏଯାବ୍ତ କୌଣସି ଔଷଧ କିମ୍ବା ଟୀକା ବାହାରିନାହିଁ । ହେଲେ ଏହି ଭୂତାଣୁର ସଂକ୍ରମଣକୁ ରୋକିବା ଲାଗି ପ୍ରଧାନମନ୍ତ୍ରୀ ମୋଦି ଓ ବିଭିନ୍ନ ରାଜ୍ୟର ସରକାର ଦେଶରେ ଲକଡାଉନ ଅବଧିକୁ ବୃଦ୍ଧି କରିଛନ୍ତି । ଯଥାସମ୍ଭବ ଲୋକଙ୍କୁ ବିଭିନ୍ନ ଉପାୟରେ ଏହି ମହାମାରୀରୁ ବର୍ତ୍ତିବା ପାଇଁ ସଚେତନ କରାଯାଉଛି ।
ନଟିଆ ଦେଉଛି କୋରୋନା ବାର୍ତ୍ତା, ଭିଡିଓ ସେୟାର କଲା ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ
ଏହି କ୍ରମରେ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗର ଟ୍ବିଟର ପେଜରେ ୟୁଟୁବର ବହୁ ଚର୍ଚ୍ଚିତ ନଟିଆ କମେଡିର ଏକ ଭିଡିଓ ସେୟାର କରାଯାଇଛି । ଉକ୍ତ ଭିଡିଓରେ ନଟିଆ ସାମାଜିକ ଦୂରତା ଏବଂ କୋରୋନା ଠାରୁ ନିଜ ପରିବାରକୁ ଏବଂ ଅନ୍ୟମାନଙ୍କୁ ସୁରକ୍ଷିତ ରଖିବାକୁ ସଚେତନ କରୁଥିବା ଦେଖିବାକୁ ମିଳିଛି ।