ଭୁବନେଶ୍ବର:ବିଧାନସଭାରେ ଆଜି ଦୁଇଟି ବିଭାଗର ଖର୍ଚ୍ଚ ଦାବି ପାରିତ ହୋଇଛି । ନିର୍ମାଣ ଓ ଗ୍ରାମ୍ୟ ଉନ୍ନୟନ ବିଭାଗର ମନ୍ତ୍ରୀ ଯଥାକ୍ରମେ ପ୍ରଫୁଲ୍ଲ ମଲ୍ଲିକ ଓ ପ୍ରୀତି ରଞ୍ଜନ ଘଡେଇ ଖର୍ଚ୍ଚ ଦାବି ପାରିତ କରିବା ନେଇ ଗୃହରେ ଉପସ୍ଥାପନ କରିଥିଲେ । ନିର୍ମାଣ ବିଭାଗର ୮୬୭୩ କୋଟି ୨୧ ଲକ୍ଷ ୭ ହଜାର ଓ ଗ୍ରାମ୍ୟ ଉନ୍ନୟନ ବିଭାଗର ୬୯୬୬ କୋଟି ୧୩ ଲକ୍ଷ ୫୪ ହଜାର ଟଙ୍କାର ଖର୍ଚ୍ଚ ଦାବି ଗୃହରେ ପାରିତ ହୋଇଛି ।
ନିର୍ମାଣ ବିଭାଗ ଅଧୀନରେ ଥିବା ମୋଟ୍ ୧୨୫୪୩୮୩୭ ବର୍ଗ ମିଟର ପରିମିତ କୋଠା ବାଡ଼ିର ନିର୍ମାଣ ଓ ରକ୍ଷଣା ବେକ୍ଷଣ ନିର୍ମାଣ ବିଭାଗ ଦ୍ଵାରା କରାଯାଉଛି । ୨୦୦୦ ମସିହାରୁ ୧୫୨୫୯.୬୯ କିମି ଦୈର୍ଘ୍ୟ ରାସ୍ତାକୁ ବିଭିନ୍ନ ବିଭାଗର ରାସ୍ତାକୁ ଅଣା ଯାଇଛି । ୨୦୧୮-୧୯ ରୁ ୨୦୧୯-୨୦ ଦୁଇ ବର୍ଷ ଭିତରେ ୧୨ ଟି ବୃହତ୍ ସେତୁ ନିର୍ମାଣ ହୋଇଛି । ୨୦୨୨-୨୩ ଆର୍ଥିକ ବର୍ଷରେ ୪ଟି ରିଙ୍ଗ ରୋଡ ଓ ବାଇପାସ ନିର୍ମାଣ କରିବାକୁ ସରକାର ଲକ୍ଷ୍ୟ ରଖିଛନ୍ତି ।