ଭୁବନେଶ୍ୱର:ରାଜ୍ୟରେ ଡେଙ୍ଗୁ ସ୍ଥିତି ନିୟନ୍ତ୍ରଣାଧୀନ ଅଛି । କିନ୍ତୁଟ୍ବିନ୍ ସିଟିରେ ଅଧିକ ଡେଙ୍ଗୁ ରୋଗୀ ଚିହ୍ନଟ ହେଉଛନ୍ତି । ଏନେଇ ଗତକାଲି (ବୁଧବାର) ଏକ ଉଚ୍ଚସ୍ତରୀୟ ବୈଠକ ହୋଇଛି । ସ୍ବାସ୍ଥ୍ୟ ବିଭାଗ ଓ କ୍ୟାପିଟାଲ ହସ୍ପିଟାଲ କର୍ତ୍ତୃପକ୍ଷଙ୍କ ମଧ୍ୟରେ ହୋଇଥିବା ଏହି ବୈଠକରେ ପ୍ଲେଟଲେଟ, ଯନ୍ତ୍ରପାତି ଏବଂ କିଟ୍ ଉପରେ ଗୁରୁତ୍ୱ ଦିଆଯାଇଛି ।
ଗତ ୨୪ ଘଣ୍ଟା ମଧ୍ୟରେ କ୍ୟାପିଟାଲ ହସ୍ପିଟାଲରେ ୧୧୫ ଜଣଙ୍କ ନମୁନା ଟେଷ୍ଟ ହୋଇଥିବାବେଳେ ୫୦ ଜଣ ଡେଙ୍ଗୁ ଚିହ୍ନଟ ହୋଇଛନ୍ତି । ୱାର୍ଡରେ ୫୧ ରୋଗୀ ଅଛନ୍ତି । ପ୍ଲେଟଲେଟର ଡିମାଣ୍ଡ ଅଧିକ ରହିଥିବା ବେଳେ ବର୍ତ୍ତମାନ ପରିସ୍ଥିତିରେ ଅଭାବ ନାହିଁ । ଯଦି ଡେଙ୍ଗୁ ରୋଗୀଙ୍କ ସଂଖ୍ୟା ବଢ଼ି ପ୍ଲେଟଲେଟ ଅଧିକ ଦରକାର ପଡ଼ିବ। ପ୍ଲେଟଲେଟ ପାଇଁ ସମସ୍ତ ବ୍ୟବସ୍ଥା କରାଯାଇଛି । ଯନ୍ତ୍ରପାତି ଏବଂ କିଟ ପାଇଁ ଯାହା ଖର୍ଚ୍ଚ ହେବ ଏଥିପାଇଁ ଆର୍ଥିକ ବ୍ୟୟବରାଦର ବ୍ୟବସ୍ଥା ହୋଇଛି । ପ୍ଲେଟଲେଟର ଅସୁବିଧା ହେଵନି ବୋଲି କହିଛନ୍ତି କ୍ୟାପିଟାଲ ହସ୍ପିଟାଲର ନିର୍ଦ୍ଦେଶକ ଲକ୍ଷ୍ମୀଧର ସାହୁ କହିଛନ୍ତି ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ