ଭୁବନେଶ୍ବର: ଏବେ ସବୁଆଡ଼େ ଜାରି ରହିଛି କୋରୋନାର ଦ୍ବିତୀୟ ଲହର । ଆଉ ଏହି ସଂକ୍ରମଣକୁ ନେଇ ସବୁଠି ଲକଡାଉନ, ସଟଡାଉନ । ଏଥିପାଇଁ ଠପ ହୋଇଯାଇଛି ଜୀବନ ଜୀବିକା । କିନ୍ତୁ ଏହି ସମୟରେ ଗୃହବନ୍ଦୀ ହୋଇରହିଥିବା କିଛି ପିଲାଙ୍କ ପ୍ରତିଭା ଫୁଟି ବାହାରିଛି । ତେବେ ଏହି ଲକଡାଉନ ସମୟରେ ନିଜ ଉଦ୍ୟମରେ ରାପ ଷ୍ଟାଇଲ ମାଧ୍ୟମରେ ଓଡ଼ିଶାର କଳା, ସଂସ୍କୃତି, ଏୈତିହ ପରମ୍ପରା ସହିତ କୋରୋନାକୁ ନେଇ ସଚେତନତା କରି ସାମାଜିକ ଗଣ ମାଧ୍ୟମରେ ପ୍ରଶଂସା ସାଉଁଟୁଛନ୍ତି ହାଟଡିହି ବ୍ଲକ ବଞ୍ଚୋ ଗ୍ରାମର ଦୀପ୍ତି ରଞ୍ଜନ ରାଉତରାୟ ।
ରାପରେ କୋରୋନା ସଚେତନତାର ବାର୍ତ୍ତା ଦେଉଛନ୍ତି ଦୀପ୍ତି
ଝାରପଡାସ୍ଥିତ ସାଇ ଇଣ୍ଟରନ୍ୟାସନାଲ ସ୍କୁଲର ଦ୍ବାଦଶ ଶ୍ରେଣୀର ଛାତ୍ର ହେଉଛନ୍ତି ଦୀପ୍ତି । ତେବେ ଏଭଳି ମହାମାରୀ ସ୍ଥିତିରେ କୋଭିଡ ଯୋଦ୍ଧାଙ୍କୁ ସମ୍ମାନ ଜଣାଇ ସେ ଅତି ସୁନ୍ଦର ଭାବେ ରାପ ପ୍ରସ୍ତୁତ କରିଛନ୍ତି । ପ୍ରଥମେ ନିଜ ପ୍ରତିଭାର ପଦର୍ଶନ ପାଇଁ ସେ ହିନ୍ଦୀରେ ରାପ ପ୍ରସ୍ତୁତ କରୁଥିବା ବେଳେ ଏବେ ଓଡ଼ିଆରେ ଗାଉଛନ୍ତି । ଅଦ୍ୟାବଧି ୮ ରାପ ଗାଇଥିବା ବେଳେ ବେଶ ପ୍ରଶଂସା ସାଉଣ୍ଟିଛନ୍ତି ଦୀପ୍ତି ।