ଭୁବନେଶ୍ବର: ରାଜ୍ୟରେ ସଂକ୍ରମଣ ତଳ ଉପର ହେଉଛି । ରାଜ୍ୟର ଅନେକ ସ୍ଥାନରେ ଏବେବି ସଂକ୍ରମଣ ବଢିକି ରହୁଛି। ଯେଉଁ ଜିଲ୍ଲାରେ ଅଧିକ ସଂକ୍ରମଣ ରହୁଛି ସେଠି ଅଧିକରୁ ଅଧିକ ଫୋକସ୍ ଦିଆଯିବ। ଏବଂ ଚେଷ୍ଟା କରାଯିବ କିଭଳି ଭାବରେ ସଂକ୍ରମଣ ସେହି ଜିଲ୍ଲା ଗୁଡିକରେ ହ୍ରାସ ପାଇବ ବୋଲି କହିଛନ୍ତି ଡିଏମଇଟି ସିବିକେ ମହାନ୍ତି ।
ରାଜଧାନୀରେ କାହିଁକି ବଢୁଛି ସଂକ୍ରମଣ ? କାରଣ କହିଲେ ଡିଏମଇଟି
ସେ ଆହୁରି ମଧ୍ୟ କହିଛନ୍ତି ଯେ ରାଜଧାନୀ ଭୁବନେଶ୍ୱର ଲୋକଙ୍କ ଯାତାୟତର ପେଣ୍ଠସ୍ଥଳୀ। ଦୈନିକ ହଜାର ହଜାର ଲୋକମାନଙ୍କ ଯାତାୟାତ ହେଉଛି। ଅଧିକ ଲୋକଙ୍କ ଯାତାୟତ ରହୁଥିବାରୁ ଏଠି ସଂକ୍ରମଣ ଅଧିକ ରହୁଛି । ତେଣୁ ଭୁବନେଶ୍ୱରରେ ଆମେ ସର୍ଭିଲାନ୍ସ ବଢ଼େଇଛୁ । ଆଶା କରିବା ଆଗକୁ ଏଠି ବି କମିବ । ଆବଶ୍ୟକ ପଡ଼ିଲେ ସମ୍ପୂର୍ଣ୍ଣ ଭାବରେ ଅନଲକ ହେବ ।