ଭୁବନେଶ୍ବର: ରାଜଧାନୀର ଏକ ଷ୍ଟାର୍ ହୋଟେଲ କଡରୁ ମିଳିଲା ମୃତଦେହ। ମଞ୍ଚେଶ୍ବର ଥାନା ଅଞ୍ଚଳ ରେଲୱେ ଟ୍ରାକ୍ କଡରେ ଥିବା ଏକ ଷ୍ଟାର ହୋଟେଲ କଡରୁ ମିଳିଛି ମୃତଦେହ। ଜଙ୍ଗଲ ଓ ପରିତ୍ୟକ୍ତ ଅଞ୍ଚଳରେ ଗ୍ରୀନ ଟିସାର୍ଟ ଓ ବ୍ଲାକ କାଜୁଆଲ ପ୍ୟାଣ୍ଟ ପିନ୍ଧିଥିବା ଜଣେ ଯବକର ମୃତଦେହକୁ ଜବତ କରିଛି ମଞ୍ଚେଶ୍ବର ଥାନା ପୋଲିସ ।
ହୋଟେଲ କଡରୁ ମିଳିଲା ଗଳିତ ମୃତଦେହ
ଯୁବକର ବୟସ ପାଖାପାଖି ୨୫ ବର୍ଷ ହୋଇଥିବାବେଳେ ଜବତ ହୋଇଥିବା ମୃତଦେହ ସ୍ଥଳର ପାରିପାର୍ଶିକ ସ୍ଥିତିରୁ ହତ୍ୟା କରି ଫିଙ୍ଗିଦେଇଥିବା ସନ୍ଦେହ ହେଉଛି। ତେବେ ମୃତ ବ୍ୟକ୍ତି ଜଣଙ୍କ କିଏ ଓ କାହିଁକି ଏପରି ଗଳିତ ଅବସ୍ଥାରେ ମୃତଦେହ ମିଳିଲା, କେତେଦିନ ଧରି ମୃତଦେହଟି ଏଠାରେ ପଡିରହିଥିଲା, ଏ ସମସ୍ତ ପ୍ରଶ୍ନ କମିଶନରେଟ ପୋଲିସର ତଦନ୍ତ ପ୍ରକ୍ରିୟା ଉପରେ ନିର୍ଭର କରୁଛି ।