ରାଜଧାନୀରେ ପୂଜା ପାଇଁ ଜମୁଛି ଭିଡ: ମଣ୍ଡପରେ ଡିସିପି, ମାର୍କେଟରେ ଅତିରିକ୍ତ କମିସନର

ବିଭିନ୍ନ ପୂଜା ମଣ୍ଡପରେ ଅତର୍କିତ ପହଂଚିଥିଲେ ଭୁବେନେଶ୍ବର ଡିସିପି ଉମାଶଙ୍କର ଦାସ । ମଣ୍ଡପର ପୂଜା ଓ କଟକଣା ସ୍ଥିତି ପରଖିବା ସହ ଲୋକଙ୍କ ଭିଡ ଯେପରି ନହୁଏ ସେ ଦିଗ ପ୍ରତି ଦେଇଛନ୍ତି ଧ୍ୟାନ । ସେପଟେ ପୂଜାର ମାହୋଲରେ ସପିଂ ପାଇଁ ମାର୍କେଟରେ ମଧ୍ୟ ଭିଡ ଜମୁଛି । ମାର୍କେଟର ସ୍ଥିତି ଅନୁଧ୍ୟାନ ପାଇଁ ବାହାରିଥିଲେ ଅତିରିକ୍ତ କମିସନର ରେଖା ଲୋହାନି ।

ଭୁବନେଶ୍ବର:ରାଜଧାନୀରେ ପୂଜା ପାଇଁ ଜମୁଛି ଭିଡ । ରାସ୍ତା ଘାଟ ଜାମ । ଏସବୁ ଭିତରେ ପ୍ରଶାସନକୁ ଘାରିଛି କୋରୋନା ଚିନ୍ତା । ଏନେଇ ବିଭିନ୍ନ ପୂଜା ମଣ୍ଡପରେ ଅତର୍କିତ ପହଂଚିଥିଲେ ଭୁବେନେଶ୍ବର ଡିସିପି ଉମାଶଙ୍କର ଦାସ । ମଣ୍ଡପର ପୂଜା ଓ କଟକଣା ସ୍ଥିତି ପରଖିବା ସହ ଲୋକଙ୍କ ଭିଡ ଯେପରି ନହୁଏ ସେ ଦିଗ ପ୍ରତି ଦେଇଛନ୍ତି ଧ୍ୟାନ ।

ଏଥିପାଇଁ ସରକାରଙ୍କ ଗାଇଡଲାଇନ ଅନୁସାରେ ନିୟମ ପାଳନ କରାଯାଉଛି କି ନାହିଁ ସେ ନେଇ ହୋଇଛି ଯାଞ୍ଚ । ଅନେକ ମଣ୍ଡପରେ କିଛି କିଛି ଭକ୍ତ ଆସୁଥିବା ବେଳେ ଯାଞ୍ଚ ବେଳେ ସହିଦନଗର ମଣ୍ଡପରେ ଦୀପ ଷ୍ଟାଣ୍ଡକୁ ନେଇ ଉପୁଜିଛି ସମସ୍ୟା । ଲୋକେ ଦୀପ ଦେବାକୁ ଆସୁଥିବାବେଳେ କଟକଣାକୁ ଦୃଷ୍ଟିରେ ରଖି ଦୀପକୁ ବାହାରେ ନରଖି ଆବଧ ଭିତରେ ରଖିବାକୁ ନିର୍ଦେଶ ଦେଇଛନ୍ତି । ସେହିପରି ପୂଜାର ମାହୋଲରେ ସପିଂ ପାଇଁ ମାର୍କେଟରେ ମଧ୍ୟ ଭିଡ ଜମୁଛି । ତେବେ ସସୋସିଆଲ ଡିସଟାନସିଂ ଓ ମାସ୍କ ପିନ୍ଧିବା ନେଇ ମଧ୍ୟ ମାର୍କେଟର ସ୍ଥିତି ଅନୁଧ୍ୟାନ ପାଇଁ ବାହାରିଥିଲେ ଅତିରିକ୍ତ କମିସନର ରେଖା ଲୋହାନି ।

ଏନେଇ ମାର୍କେଟ ବିଲଡିଂ ସମେତ ଅନେକ ମାର୍କେଟ ଅଞ୍ଚଳ ପରିଦର୍ଶନ କରି କିଭଳି କୋରୋନା କଟକଣାକୁ ଦୃଷ୍ଟିରେ ରଖି ସମସ୍ତ ନିୟମ ମାନିବେ ସେନେଇ ଆଲୋଚନା କରିଛନ୍ତି । ଏନେଇ ଡିସିପି ସିକ୍ୟୁରିଟିଙ୍କ ସହ ମାର୍କେଟ ବିଲ୍ଡିଂର ସ୍ଥିତି ପରଖିଛନ୍ତି । ସେହିପରି ଟ୍ରାଫିକକୁ ଦୃଷ୍ଟିରେ ରଖି ଡିସିପି ଟ୍ରାଫିକ ନିର୍ଦେଶ କ୍ରମେ ବିଭିନ୍ନ ଜନଗହଳି ସ୍ଥାନ ମାନଙ୍କରେ ବେଆଇନ ପାର୍କିଂ ନହୁଏ ସେଥିପାଇଁ ଟ୍ରାଫିକ କର୍ମଚାରୀଙ୍କୁ ମୁତୟନ କରାଯାଇଛି । ଅନେକ ସ୍ଥାନରେ ଟ୍ରାଫିକ ଜାମ ହେଉଥିଲେ ବା ରାସ୍ତା ଉପରେ ଗାଡି ରହୁଥିଲେ ସେସବୁକୁ କ୍ରେନ ସାହାଯ୍ୟରେ ଉଠାଇ ନେଉଛନ୍ତି ଟ୍ରାଫିକ କର୍ମଚାରୀ । ତେବେ ପୂଜାର ମାହୋଲକୁ ଦୃଷ୍ଟିରେ ରଖି ଯେପରି ସୁରୁଖୁରୁରେ କଟକଣା ଭିତର ସମ୍ପନ ହେବ ସେନେଇ କମିସନରେଟ ପୋଲିସ ପକ୍ଷରୁ ଧ୍ୟାନ ଦିଆଯାଇଛି ।

ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ