27 ଯାଏଁ ଘୁଞ୍ଚିଲା କାଳିଆ ହିତାଧିକାରୀଙ୍କ ଯାଞ୍ଚ ଅବଧି

କାଳିଆ ଯୋଜନାରେ ବର୍ତ୍ତମାନ ସୁଦ୍ଧା 13 ଲକ୍ଷ ଆବେଦନକାରୀଙ୍କ ଯାଞ୍ଚ ସରିଛି । ତେବେ ଏହି ଯୋଜନାରେ ଯୋଗ୍ୟ ହିତାଧିକାରୀଙ୍କ ଯାଞ୍ଚ ପାଇଁ 27 ଯାଏଁ ବଢିଛି ଅବଧି ।

ଭୁବନେଶ୍ବର: ସରୁନି କାଳିଆ ଅଙ୍କ । ପୁଣି 27 ଯାଏଁ ବଢ଼ିଲା କାଳିଆ ଯାଞ୍ଚ ଅବଧି । ବର୍ତ୍ତମାନ ସୁଦ୍ଧା 13 ଲକ୍ଷ ଆବେଦନକାରୀଙ୍କ ଯାଞ୍ଚ ସରିଛି । ଅନେକ ଅଯୋଗ୍ୟ ହିତାଧିକାରୀ ବାଦ ପଡ଼ିବାକୁ ଆବେଦନ କରିଛନ୍ତି ।

ତେବେ 27ରେ ପଞ୍ଚାୟତସ୍ତରୀୟ ହେବ ସମୀକ୍ଷା । 29ରେ ବ୍ଲକ ଓ 31ରେ ଜିଲ୍ଲାସ୍ତରରେ ସମୀକ୍ଷା କରାଯିବ । କାଳିଆ ଯୋଜନା ଏନେଇ ସମୀକ୍ଷା କରିବା ପରେ ସୂଚନା ଦେଇଛନ୍ତି ଅରୁଣ ସାହୁ । ପୂର୍ବରୁ ଏହି ଯାଞ୍ଚ ପ୍ରକ୍ରିୟା ଅବଧି ଅଗଷ୍ଟ 14 ଅର୍ଥାତ ଆସନ୍ତାକାଲି ରହିଥିବାବେଳେ ଏବେ ଏହାକୁ ଘୁଞ୍ଚାଇ ଦିଆଯାଇଛି ।

ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ