ଭୁବନେଶ୍ବର:ପ୍ରେମ ସମ୍ପର୍କକୁ ନେଇ ବିବାଦରେ ଛନ୍ଦି ହୋଇପଡ଼ିଥିବା ଓଲିଉଡ଼ ସୁପରଷ୍ଟାର ବାବୁଶାନ୍ ମହାନ୍ତିଙ୍କ ଆଜି ହେଉଛି ଜନ୍ମଦିନ । ବିବାଦ ଘେରରେ ଥିଲେ ମଧ୍ୟ ଫ୍ୟନ୍ସଙ୍କ ସହିତ ତାଙ୍କ ଆଗାମୀ ଚଳଚ୍ଚିତ୍ର 'ଦମନ'ର ଟିମ୍ ତାଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି ।
ଶୁଭେଚ୍ଛା ଜଣାଇଲା ଦମନ ଟିମ୍
ଫିଲ୍ମର ୨ ପ୍ରଯୋଜକଙ୍କ ସହ ନିର୍ଦ୍ଦେଶକ ଆସି ବାବୁଙ୍କୁ ଭେଟିବା ସହ ଜନ୍ମ ଦିନର ଶୁଭେଚ୍ଛା ଓ ଶୁଭକାମନା ଦେଇଛନ୍ତି । ଏନେଇ ଟିମ କହିଛି ଯେ, "ପାରିବାରିକ ବିବାଦରୁ ଊର୍ଦ୍ଧ୍ବରେ ରହି ଆମେ ଶୁଭେଚ୍ଛା ଜଣାଇବାକୁ ଆସିଛୁ । ଏଣୁ ଆମେ ଭଗବାନଙ୍କ ପାଖରେ ପ୍ରାର୍ଥିନା କରୁଛୁ ଏହାର ସମାଧାନ ହୋଇଯାଉ।" ତେବେ ଟିମ ସିନେମାକୁ ନେଇ ବହୁତ ଆଶାବାଦୀ ଥିବା ବେଳେ ଚଳଚ୍ଚିତ୍ରର ନିଚ୍ଛକ କାହାଣୀ ହିଁ ଦର୍ଶକଙ୍କୁ ବାନ୍ଧି ରଖିବ ବୋଲି କହିଛି।