ରାଜଧାନୀରେ ପୁଣି ରାସ୍ତା କଡରେ ବସିଲା ହାଟ, କୋରୋନା ନିୟମ ମାନିବେ ବ୍ୟବସାୟୀ

କୋଭିଡ ସଂକ୍ରମଣ ପାଇଁ ହାଟ ବସିଲା ରାସ୍ତା କଡରେ । ରାଜ୍ୟରେ ଦ୍ରୁତ ଗତିରେ ସଂକ୍ରମଣ ବୃଦ୍ଧି ପାଉଥିବାରୁ ବିଏମସି ଏପରି ପଦକ୍ଷେପ ନେଇଛି । ଅଧିକ ପଢନ୍ତୁ

ଭୁବନେଶ୍ବର :କୋଭିଡ ସଂକ୍ରମଣ ପାଇଁ ହାଟ ବସିଲା ରାସ୍ତା କଡରେ । ରାଜ୍ୟରେ ଦ୍ରୁତ ଗତିରେ ସଂକ୍ରମଣ ବୃଦ୍ଧି ପାଉଥିବାରୁ ବିଏମସି ଏପରି ପଦକ୍ଷେପ ନେଇଛି । କାରଣ ଜନଗହଳିପୂର୍ଣ୍ଣ ହାଟରେ ସାମାଜିକ ଦୂରତା ଓ ମାସ୍କ ପରିଧାନ ହେଉନଥିବାରୁ ହାଟ ଓ ବଜାରର ବିକେନ୍ଦ୍ରୀକରଣ କରିଛି ବିଏମସି । ୟୁନିଟ-1 ହୋଲସେଲ ଓ ୟୁନିଟ-4ରେ ବସୁଥିବା ହାଟ ଗୁଡିକୁ ଉଠାଇ ଦେଇଛି ବିଏମସି । ପ୍ରଥମ ଓ ଦ୍ୱିତୀୟ ଲହର ଭଳି ଅନୁରୂପ ପଦକ୍ଷେପ ନେବାକୁ ସମସ୍ତ ଜୋନାଲ ଡେ଼ପୁଟି କମିଶନରଙ୍କୁ ବିଏମସି କମିଶନର ସଞ୍ଜୟ କୁମାର ସିଂ ନିର୍ଦ୍ଦେଶ ଦେଇଥିଲେ ।

ଏହାକୁ ଆଧାର କରି ଜୋନାଲ ଡେ଼ପୁଟି କମିଶନର ମହେନ୍ଦ୍ର ବଢେଇ ଦୁଇ ହାଟର କର୍ମକର୍ତ୍ତାଙ୍କ ସହ ଆଲୋଚନା ସହ ଅଞ୍ଚଳ ପରିଦର୍ଶନ କରିଛନ୍ତି । କୋରୋନା କଟକଣା ମାନି ବ୍ୟବସାୟ କରିବାକୁ କହିଛନ୍ତି ବ୍ଯବସାୟୀ । ବିଏସସିର ଏ ପଦକ୍ଷେପକୁ ସମସ୍ତ ବ୍ୟବସାୟୀ ଗ୍ରହଣ କରିଥିବାବେଳେ କୋରୋନାର ସମସ୍ତ ନିୟମ ଅନୁପାଳନ କରିବା ସହ ଗ୍ରାହକଙ୍କୁ ମଧ୍ୟ ସଚେତନତା କରି ବ୍ୟବସାୟ କରିବେ ବୋଲି ପ୍ରତିକ୍ରିୟା ରଖିଛନ୍ତି । ପ୍ରଥମ ଦିନରେ କିଛି ବ୍ୟବସାୟୀ ଆସିଥିବାବେଳେ କାଲିଠୁ ପୂର୍ଣ୍ଣମାତ୍ରାରେ ଆସିବେ ବୋଲି କହିଛନ୍ତି ମାର୍କେଟ ସଂଘର ଉପସଭାପତି ।

ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ