ଅବପାତରେ ପରିଣତ ହେଲା ଦୁର୍ବଳ ବାତ୍ୟା ଅସାନି

ଦୂର ହେଲା ବାତ୍ୟା ଭୟ । ବାତ୍ୟା ‘ଅସାନି’ ଆହୁରି ଦୁର୍ବଳ ହୋଇ ଅବପାତରେ ପରିଣତ ହୋଇଛି । ଅଧିକ ପଢନ୍ତୁ

ଭୁବନେଶ୍ବର: ଦୂର ହେଲା ବାତ୍ୟା ଭୟ । ବାତ୍ୟା ‘ଅସାନି’ ଆହୁରି ଦୁର୍ବଳ ହୋଇ ଅବପାତରେ ପରିଣତ ହୋଇଛି । ଗତ 6 ଘଣ୍ଟା ମଧ୍ୟରେ ଏହା ସ୍ଥିର ରହିଥିବା ବେଳେ ଆଗାମୀ 12 ଘଣ୍ଟା ମଧ୍ୟରେ ଆହୁରି ଦୁର୍ବଳ ହୋଇ ଲଘୁଚାପ କ୍ଷେତ୍ରରେ ପରିଣତ ହେବା ସମ୍ଭାବନା ରହିଛି । ଏ ନେଇ ସୂଚନା ଦେଇଛି ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର । ଅସାନି ବୁଧବାର ସଂନ୍ଧ୍ୟାରୁ ବିଶାଖାପାଟଣା ନିକଟରେ ସ୍ଥଳ ଭାଗ ଛୁଇଁଛି ।

ଏହା କ୍ରମଶଃ ଦୁର୍ବଳ ହୋଇଛି । ଏହାର କୌଣସି ପ୍ରଭାବ ଓଡିଶା ଉପରେ ରହିବନାହିଁ । ଫଳରେ ରାଜ୍ୟରେ ଆଜିଠାରୁ ପାଗ ସ୍ବାଭାବିକ ରହିବ ବୋଲି ପାଣିପାଗ ବିଶେଷଜ୍ଞ ।

ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ