ଭୁବନେଶ୍ବର : ପୋଲିସ କମିଶନରଙ୍କୁ ଭେଟିଲା କଟକ ନଗର କଂଗ୍ରେସ । ଡିସିପିଙ୍କ ବହିଷ୍କାର ଦାବି କରି ଭେଟିଲା ଦଳ । ଦୁର୍ଗାପୂଜା ପ୍ରସ୍ତୁତି ବୈଠକକୁ କଟକ-ବାରବାଟୀ କଂଗ୍ରେସ ବିଧାୟକ ମହମ୍ମଦ ମୋକିମ୍ଙ୍କୁ ଡକାଯାଇନଥିବାରୁ ଡିସିପିଙ୍କ ବହିଷ୍କାର ଦାବି କରିଛି କଟକ ନଗର କଂଗ୍ରେସ ।
ଏନେଇ କମିଶନରେଟ ପୋଲିସର ମୁଖ୍ୟ କାର୍ଯ୍ୟାଳୟ ସମ୍ମୁଖରେ ମଧ୍ୟ ଦଳ ବିକ୍ଷୋଭ କରିଛି । ସୂଚନା ଅନୁଯାୟୀ, କମିଶନରେଟ ପୋଲିସ ପକ୍ଷରୁ ଦୁର୍ଗାପୂଜା ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା । ଯେଉଁଥିରେ କଟକ-ବାରବାଟୀ ବିଧାୟକଙ୍କୁ ଡକାଯାଇନଥିଲା । ଏଥିରେ ଡିସିପିଙ୍କ ହାତ ଥିବା ଦର୍ଶାଇ କମିଶନରେଟ ପୋଲିସ ମୁଖ୍ୟାଳୟରେ ବିକ୍ଷୋଭ କରିବା ସହ କମିଶନର ସୁଧାଂଶୁ ଷଡଙ୍ଗୀଙ୍କୁ ସାକ୍ଷାତ କରି ଡିସିପିଙ୍କ ବହିଷ୍କାର ଦାବି କରିଛି କଟକ ନଗର କଂଗ୍ରେସ ।
ଭୁବନେଶ୍ବରରୁ ବିକାଶ ଦାଶ, ଇଟିଭି ଭାରତ