ଭୁବନେଶ୍ବର:ମାତ୍ର ଦିନକର ତଳର କଥା । ସାମୁଦ୍ରିକ ବାତ୍ୟା ଜୱାଦକୁ ନେଇ ଚିନ୍ତାରେ ପଡ଼ିଯାଇଥିଲେ ରାଜ୍ୟବାସୀ ଓ ଚାଷୀ । ବାତ୍ୟା ଆସିଲେ ଜମିରେ ଅମଳ ହେବାକୁ ଠିଆ ହୋଇଥିବା ପାଚିଲା ଧାନ ବିଷୟରେ ଭାବି ଭାବି ଚାଷୀର ନିଦ ହଜି ଯାଇଥିଲା । ହେଲେ ସେହି ଭଗବାନ ସାହା ହେଲେ ବୋଧେ ବାତ୍ୟା ଦୁର୍ବଳ ହୋଇ ଫେରିଗଲା ହେଲେ ଚାଷୀ ଆଖିରେ ଦେଇଗଲା ଅସରାଏ ଲୁହ । ଉଜାଡିଦେଲା ବର୍ଷକର ଦାନାପାଣି । ବୁଡେଇଦେଲା ସୁନାର ଫସଲ । ଆଉ ଏହାକୁ ନିଜ ରଙ୍ଗ ତୁଳୀରେ ବଖାଣିଛନ୍ତି ଯୁବଚିତ୍ରଶିଳ୍ପୀ ସୂର୍ଯ୍ୟକାନ୍ତ ।
ଏହା ବି ପଢ଼ନ୍ତୁCyclone Jawad: ବର୍ଷା ପରେ ବଢିଲା ଚାଷୀଙ୍କ ଦୁର୍ଦ୍ଦଶା
ବାତ୍ୟା ସିନା ହେଲାନି ହେଲେ ଏହାର ପ୍ରଭାବରେ କେତେକ ସ୍ଥାନରେ ପ୍ରବଳ ବର୍ଷା ହୋଇଥିଲା । ଫଳରେ ଅମଳ ହେବାକୁ ଧାନ ଜମିରେ ଅଣ୍ଟାଏ ଲେଖାଏଁ ପାଣି ଭର୍ତ୍ତି ହୋଇଛି । ଓଦା ବିଲରେ ଶୋଇଥିବା ସେହି ଧାନ କେଣ୍ଡାକୁ ଦେଖି ଚାଷୀକୁ କାହୁଁ ଆଉ ନିଦ ଆସିବ । ବର୍ଷକର ପରିଶ୍ରମ, ଖରା, ବର୍ଷା, ଶୀତ, କାକରକୁ ଏକ କରିଥିବା ଚାଷୀର କଷ୍ଟକୁ ଦୁଇଗୁଣ କରିଦେଲା ଜୱାଦ ।