ଭୁବନେଶ୍ବର: କୋହଳ ହୋଇଛି ନିୟମ, ତଥାପି କର୍ଫ୍ୟୁ ବଳୟରେ କଟକ ଭୁବନେଶ୍ବର । ସଂନ୍ଧ୍ୟା ୭ ବାଜିଲେ ଚକ-ଅଖ ସବୁ ବନ୍ଦ । ଦୋକାନ ବଜାର ସଟର ଡାଉନ । ଛକ ଛକରେ ପୋଲିସ ପ୍ରହରା । ଲକଡାଉନର ୪ର୍ଥ ପର୍ଯାୟରେ ବି ସନ୍ଧ୍ୟା ୭ ରୁ ସକାଳ ୭ ଯାଏ ଜାରି ରହିଛି କଟକଣା । ଅର୍ଥାତ ଏହି ସମୟରେ କେହି ବି ଘରୁ ବାହାରିଲେ ପୋଲିସଠୁ ନେବାକୁ ହେବ ଅନୁମତି ।
କୋହଳ ହୋଇଛି ନିୟମ, ତଥାପି କର୍ଫ୍ୟୁରେ କଟୁଛି ଜୀବନ
ମେଡିକାଲ ହେଉ ବା ଏମରଜେନ୍ସି, ୧୦୦କୁ କଲ କରି ମୋବାଇଲ ଏସମେସ ଜରିଆରେ ମିଳୁଛି ପାସ । ଅତି ଜରୁରି ବ୍ୟବସ୍ଥା ମେଡିସିନ ଦୋକାନ ଓ ପେଟ୍ରୋଲ ପମ୍ପ ଖୋଲା ରଖିବାକୁ ଅନୁମତି । ନଚେତ ଘରୁ ଗୋଡ କାଢିଲେ ପୋଲିସ ଉଠାଇ ନେଉଛି ଗାଡି କାଟୁଛି କଡା ଫାଇନ। ପାସ ପାଇଁ ପୋଲିସ କଣ୍ଟ୍ରୋଲ ରୁମରେ ୩ ଟି ସିଫ୍ଟରେ କାମ କରୁଛନ୍ତି ୭୨ ଜଣ ।