ଭୁବନେଶ୍ବର: ଏନଡିଏ ରାଷ୍ଟ୍ରପତି ପ୍ରାର୍ଥୀ ଦ୍ରୌପଦୀ ମୁର୍ମୁଙ୍କୁ ବିଧାୟକ ମହମ୍ମଦ ମୋକିମ ଭୋଟ ପ୍ରସଙ୍ଗ । ଘଟଣାକୁ ନେଇ କଂଗ୍ରେସ ନେତାଙ୍କ ମଧ୍ୟରେ ମତ ପାର୍ଥକ୍ୟ ଦେଖିବାକୁ ମିଳୁଛି । ପିସିସି ସଭାପତି ଶରତ ପଟ୍ଟନାୟକ କଠୋର ଥିବା ଅନୁମାନ କରାଯାଉଥିବାବେଳେ ବିଧାୟକଙ୍କ ମହଲରେ ନରମ ମତ ପ୍ରକାଶ ପାଉଛି । ସେପଟେ ନୋଟିସ ମିଳିଲେ ଜବାବ ଦେବି ବୋଲି କହିଛନ୍ତି ବିଧାୟକ ମହମ୍ମଦ ମୋକିମ ।
କଂଗ୍ରେସରେ ମୋକିମ ଝଡ, ବାହାରେ ଗରମ, ଭିତରେ ନରମ
କଂଗ୍ରେସ ବିଧାୟକ ତାରା ବାହିନୀପତି କହିଛନ୍ତି ଯେ, ରାଷ୍ଟ୍ରପତି ନିର୍ବାଚନ ନେଇ କୌଣସି ହ୍ଵିପ୍ ନାହିଁ । ସାମ୍ବିଧାନିକ ଦୃଷ୍ଟିରୁ କୌଣସି ହ୍ବିପ ନାହିଁ । କିନ୍ତୁ ହାଇକମଣ୍ଡ ନିଷ୍ପତ୍ତି ମୁଖ୍ୟ । ତାଙ୍କ ନିଷ୍ପତ୍ତି ମାନି ଭୋଟ ଦେବାର ଥିଲା । ଏଠି ମାଟି କଥା କୁହାଯାଉଛି । କିନ୍ତୁ ଯଶୱନ୍ତ ସିହ୍ନାଙ୍କୁ କଣ ବିହାରର ବିଜେପି ସଦସ୍ୟ ଭୋଟ ଦେଲେ କି ବୋଲି ପ୍ରଶ୍ନ କରିଛନ୍ତି ତାରା । ଦଳର ଟିକେଟରେ ଜିତିଛନ୍ତି, ତେଣୁ ମୋକିମ ଦଳ ନିଷ୍ପତ୍ତି ମାନିବା କଥା ।