ସିସିଟିଭିରେ ଅପରାଧୀ, ଦେଖନ୍ତୁ କେମିତି ଲୁଟୁଛନ୍ତି ରାଜଧାନୀ

ଭୁବନେଶ୍ବରରେ ଦିନକୁ ଦିନ ଅପରାଧିଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି । 4 ଦିନରେ ପାଞ୍ଚଟି ଲୁଟ ଘଟଣା ଘଟିଲାଣି । ସିସିଟିଭିରେ ଅପରାଧୀଙ୍କ ଭିଜୁଆଲ କଏଦ ହୋଇଥିଲେ ମଧ୍ୟ ପୋଲିସ ଏମାନଙ୍କ ଟେର ପାଇପାରୁନାହିଁ ।

ଭୁବନେଶ୍ବର : ରାଜଧାନୀରେ ଥରହର କଲେଣି ଅପରାଧୀ। କେତେବେଳେ ଝରକା ତାଡି ତ କେତେବେଳେ ସ୍କାଏଲାଇଟ ତାଡି। କଲୋନୀ ଭିତରେ କଳାକନା ବୁଲାଇ ଫେରାର ଅପରାଧୀ। ସାମନ୍ତରାପୁର ଦିବ୍ୟବିହାର ପ୍ଲଟନମ୍ବର ୫୩/୧୩୯ ଚିତ୍ତରଞ୍ଜନ ପାଲଙ୍କ ଘରୁ ୧୫ଲକ୍ଷ ଟଙ୍କାର ଲୁଟ କମିଶନରେଟ ପୋଲିସର ଚିନ୍ତା ବଢାଇଛି। ଗତ ୪ଦିନ ମଧ୍ୟରେ ସାମନ୍ତରାପୁର ଦିବ୍ୟ ବିହାରରେ ୫ଟି ଘଟଣା ପୋଲିସର ଇଣ୍ଟେଲିଜେନସ ସମ୍ପୂର୍ଣ୍ଣ ଫେଲ ମାରିଛି ।

କାରଣ ଅପରାଧୀ ଖୁଲମଖୁଲା ଓ ବେଫିକର ବୁଲୁଛନ୍ତି । ଅନ୍ଧାର ଭିତରେ ପାଟ୍ରୋଲିଂର ଅଭାବରୁ ରେକି କରି ଘରେ ପଶୁଛନ୍ତି। ସହିଦନଗର, ଲକ୍ଷ୍ମୀସାଗର, ମାଞ୍ଚେଶ୍ବର ପରି ଧଉଳି, ଲିଙ୍ଗରାଜ ଥାନା ଅଞ୍ଚଳରେ ଏମାନେ ବେଶ ସକ୍ରିୟ ହୋଇଛନ୍ତି । ସିସିଟିଭିରେ ଏମାନଙ୍କ ଭିଜୁଆଲ କଏଦ ହେଲେ ବି ପୋଲିସ ଟେର ପାଉନି । ସେପଟେ ଡିସିପି କହିଛନ୍ତି ଘଟଣାର ତଦନ୍ତ ଚାଲିଛି ।

ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ