ଭୁବନେଶ୍ବର:ସ୍ମାର୍ଟସିଟିରେ ବଢିଛି ଅପରାଧିକ ମାମଲା । ଲୋକଙ୍କ ଚିନ୍ତା ବଢାଇଛି ଛିନତାଇ । ୨୦୨୦ରେ ଏଭଳି ଅପରାଧକୁ ନେଇ ସ୍ଥିତି ସାଙ୍ଘାତିକ । କାରଣ ୨୦୨୦ର କ୍ରାଇମ ରେକର୍ଡ କହୁଛି, ଦିନ ଦ୍ବିପ୍ରହରରେ ଘର ସାମ୍ନାରୁ ଛିନତାଇ କରିଛନ୍ତି ଅପରାଧୀ । ମନିପର୍ସଠୁ ଆରମ୍ଭ କରି ମୋବାଇଲ ଫୋନ ଓ ଅଳଙ୍କାର ଝାମ୍ପି ନେଇଛନ୍ତି ଅପରାଧୀ ।
ବଢ଼ିଛି ରାହାଜାନୀ,କମିନି ଦୁଷ୍କର୍ମହାର ବିନା ଚାର୍ଜସିଟ୍ରେ ମାମଲା ୧୫ ହଜାର
୨୦୧୯ରେ ରାଜଧାନୀରେ ମୋଟ ୨୬୬ଟି ରାହାଜାନୀ ମାମଲା ରୁଜୁ ହୋଇଥିବା ବେଳେ ୨୦୨୦ରେ ନଭେମ୍ବର ସୁଦ୍ଧା ୩୩୦ଟି ରାହାଜାନୀ ମାମଲାରେ ପହଞ୍ଚିଛି । କେବଳ ସେତିକି ନୁହେଁ ୨୦୧୯ରେ ମୋଟ କେସ୍ ସଂଖ୍ୟା ୮ ହଜାର ୨୨୯ ଥିବାବେଳେ ଚଳିତବର୍ଷ ତାହା ୬,୯୨୨ରେ ପହଞ୍ଚିଛି ।
ସେହିପରି ୨୦୨୦ରେ ଦେହବ୍ୟବସାୟର କୌଣସି ରିପୋର୍ଟ ହୋଇନାହିଁ, କୌଣସି ଥାନାରେ ଧରାପଡିନାହିଁ ସେକ୍ସ ରାକେଟ । ତେବେ ୨୦୧୯ରେ ୧୪୯ଟି ମାମଲା ରୁଜୁ ହୋଇଥିବାବେଳେ ୨୦୨୦ରେ ୧୦୬ଟି ଦୁଷ୍କର୍ମ ମାମଲା ରୁଜୁ ହୋଇଛି ।