Cameraman Murder Case: ଦୟାଲ ଆଶ୍ରମରେ କ୍ରାଇମବ୍ରାଞ୍ଚ ଟିମ, କରିବ ଖୋଳତାଡ

କ୍ୟାମେରାମ୍ୟାନ ମାନସ ସ୍ୱାଇଁ ହତ୍ୟା ମାମଲାର ତଦନ୍ତ ପାଇଁ ଦୟାଲ ଆଶ୍ରମରେ ପହଞ୍ଚିଲା କ୍ରାଇମବ୍ରାଞ୍ଚ ଟିମ । ଅଧିକ ପଢନ୍ତୁ

ଭୁବନେଶ୍ବର:ବହୁ ଚର୍ଚ୍ଚିତ କ୍ୟାମେରା‌ମ୍ୟାନ‌ ମାନସ ସ୍ବାଇଁ ହତ୍ୟାକାଣ୍ଡ ଉପରୁ ଉଠି ପାରୁନି ପରଦା । ଆଜି(ରବିବାର) ମାମଲାର ତଦନ୍ତ ପାଇଁ ସୁନ୍ଦରପଦା ସ୍ଥିତ ଦୟାଲ ଆଶ୍ରମରେ ପହଞ୍ଚିଛି କ୍ରାଇମବ୍ରାଞ୍ଚ ଟିମ । ଫରେନସିକ ଟିମ ସହ ତଦନ୍ତ ଆରମ୍ଭ କରିଛି କ୍ରାଇମବ୍ରାଞ୍ଚ ।

ଆଶ୍ରମର ମହିଳା କେୟାର ଟେକରଙ୍କୁ ସାଥୀରେ ଧରି 3D ସ୍କାନରରେ ତଦନ୍ତ ଆରମ୍ଭ କରିଛି । ସେପଟେ ମାର୍ଚ୍ଚ ୨୪ ତାରିଖରେ ଭଦ୍ରକ ଏସପିଙ୍କ କାର୍ଯ୍ୟାଳୟରେ ତନାଘନା କରିଥିଲା କ୍ରାଇମବ୍ରାଞ୍ଚର 5 ଜଣିଆ ଟିମ । ସୂଚନାଅନୁସାରେ, ମାନସକୁ ଚାନ୍ଦବାଲିରୁ ଅପହରଣ କରି ଦୟାଲ ଆଶ୍ରମରେ ହତ୍ୟା କରାଯିବା ପରେ ନୟାଗଡରେ ପୋତାଯାଇଥିଲା ।

ପୁରା ହତ୍ୟାକାଣ୍ଡର ତଦନ୍ତ ଦାୟିତ୍ବ କ୍ରାଇମବ୍ରାଞ୍ଚକୁ ହସ୍ତାନ୍ତର କରିଛନ୍ତି ପୋଲିସ ଡିଜି । ଏହାପରେ କ୍ରାଇମବ୍ରାଞ୍ଚ ୨ ଟି ଟିମ୍ ଗଠନ କରି ତଦନ୍ତ ଆରମ୍ଭ କରିଛି । ଗୋଟିଏ ଟିମ୍ ଶର୍ମିଷ୍ଠାକୁ ଧରିବା ପାଇଁ ବାହାର ରାଜ୍ୟକୁ ଯାଇ ଥିବାବେଳେ ଅନ୍ୟଟି ହତ୍ୟାକାଣ୍ଡରେ ଲିଙ୍କ ଥିବା ୩ ଜିଲ୍ଲାରେ ଖୋଳତାଡ କରୁଛି ।

ଭୁବନେଶ୍ବରରୁ ତାପସ ପରିଡ଼ା, ଇଟିଭି ଭାରତ