ଭୁବନେଶ୍ବର:ଜଗତସିଂହପୁର ଜିଲ୍ଲା ଢିଙ୍କିଆରେ JSW ପ୍ରକଳ୍ପକୁ ବିରୋଧ କରୁଛନ୍ତି ସ୍ଥାନୀୟ ଲୋକେ । ଏହାକୁ ନେଇ ପୋଲିସ ସ୍ଥାନୀୟ ବାସିନ୍ଦାଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେଇଥିଲା । ପୋଲିସର ଏହି କାର୍ଯ୍ୟାନୁଷ୍ଠାନକୁ ବିଭିନ୍ନ ମହଲରେ ନାପସନ୍ଦ କରାଯାଉଛି । ଢିଙ୍କିଆରେ ପୋଲିସର କାର୍ଯ୍ୟାନୁଷ୍ଠାନକୁ ବିରୋଧ କରି ଆଜି ରାଜଧାନୀରେ ବିରୋଧ ପ୍ରଦର୍ଶନ କରିଛି ସିପିଆଇଏମ୍(Communist Party of India) ଓ ବିକେଏମ୍ୟୁ(Bharatiya Khet Mazdoor Union) ।
ଢିଙ୍କିଆ ପ୍ରସଙ୍ଗ: CPIM-BKMUର ପୋଲିସ ପ୍ରତ୍ୟାହାର ଦାବି
ଏହାକୁ ନେଇ ଭୁବନେଶ୍ବରର ଅଶୋକ ନଗର ଭଗବତୀ ଭବନରୁ ରାଜମହଲ ଛକ ପର୍ଯ୍ୟନ୍ତ ଏକ ଶୋଭାଯାତ୍ରା କରିଛି ସିପିଆଇଏମ୍ ଓ ବିକେଏମ୍ୟୁ । ଢିଙ୍କିଆ ଚାରି ପ୍ରଦେଶରୁ ତୁରନ୍ତ ପୋଲିସ ପ୍ରତ୍ୟାହାର ସହ ଗିରଫ ହୋଇଥିବା ଲୋକଙ୍କୁ ନିଃସର୍ତ୍ତ ଛାଡିବାକୁ ଦାବି ହୋଇଛି । ଏହାସହ ଅଭିଯୁକ୍ତ ପୋଲିସ ଏବଂ ଏସପିଙ୍କ ବିରୋଧରେ ଦୃଷ୍ଟାନ୍ତ ମୂଳକ କାର୍ଯ୍ୟାନୁଷ୍ଠାନ ଦାବି କରିଛନ୍ତି ସିପିଆଇଏମ୍ ଓ ବିକେଏମ୍ୟୁ ।