ଭୁବନେଶ୍ବର: ସର୍ବଦା ଆକ୍ସନ ମୁଡରେ ରହୁଥିବା ଭୁବନେଶ୍ବର ପୋଲିସ କମିଶନର ସୁଧାଂଶୁ ଷଡ଼ଙ୍ଗୀ ନିଜର ପଦଭାର ଗ୍ରହଣ ଦିନଠାରୁ ହିଁ ଚର୍ଚ୍ଚାରେ ରହି ଆସିଛନ୍ତି । ଏଥର କଟକ-ଭୁବନେଶ୍ବର ରାସ୍ତାରେ ଗୋଟିଏ ମଦ୍ୟପ କାର ଡ୍ରାଇଭରକୁ ଗୋଡାଇ ଗୋଡାଇ ଧରି ପୁଣି ଚର୍ଚ୍ଚାରେ ସିପି ସୁଧାଂଶୁ ଷଡ଼ଙ୍ଗୀ ।
କୁଆଖାଇ ବ୍ରିଜରେ ଏକ ବେଲଗାମ୍ କାର ଗୋଟିଏ ଟ୍ରକକୁ ଧକ୍କା ଦେଇଥିଲା । ତେବେ କାର ପଛରେ ଯାଉଥିବା ପୋଲିସ କମିଶନର କାରଟିକୁ ପିଛା କରିବା ସହ ଓଭରଟେକ୍ କରି ହଂସପାଳ ଛକରେ ଚାଳକକୁ କାବୁ କରିଥିଲେ । କାର ଚାଳକ ଏକ ଘରୋଇ କଂପାନୀର ମ୍ୟାନେଜର ହୋଇଥିବା ଜଣାପଡିଛି । ମଞ୍ଚେଶ୍ବର ପୁଲିସ ଡାକି କାର ଚାଳକକୁ ହସ୍ତାନ୍ତର କରିଥିଲେ ସିପି । ସମ୍ପୃକ୍ତ କାର ଚାଳକଙ୍କୁ ଗିରଫ କରାଯାଇଛି ।