ଭୁବନେଶ୍ବର: ରାଜଧାନୀ ଭୁବନେଶ୍ବରରେ ଏବେ କୋରୋନା ସଂକ୍ରମଣ ହ୍ରାସ ପାଉଛି ,ମୋଟାମୋଟି ସଂକ୍ରମଣ ଏବେ ପ୍ଲାଟିୟୁ ଅବସ୍ଥାରେ ରହିଛି। ୭୫ ପ୍ରତିଶତ ଲକ୍ଷଣ ବିହୀନ କୋଭିଡ ଆକ୍ରାନ୍ତ ଏବେ ହୋମ ଆଇସୋଲେସନ ରେ ରହିଛନ୍ତି ବୋଲି ଶୁକ୍ରବାର ବିଏମସିରେ ଏକ ସାମ୍ବାଦିକ ସମ୍ମିଳନୀରେ ସ୍ପଷ୍ଟ କରିଛନ୍ତି ବିଏମସି କମିଶନର ପ୍ରେମଚନ୍ଦ୍ର ଚୌଧୁରୀ।
ସ୍ମାର୍ଟସିଟିରେ କମିଛି ସଂକ୍ରମଣ, ୭୫ ପ୍ରତିଶତ ଆକ୍ରାନ୍ତ ହୋମ ଆଇସଲେସନ: ବିଏମସି କମିସନର
ରାଜଧାନୀରେ କୋରୋନା ସଂକ୍ରମଣ କମିଛି । ଗୃହ ସଙ୍ଗରୋଧରେ ଥିବା ସମସ୍ତ ଆକ୍ରାନ୍ତ ଏବେ ଷ୍ଟେବଲ ରହିଛି। ବିଏମସି ପକ୍ଷରୁ ୧୯୨୯ କଲ ସେଣ୍ଟର ମାଧ୍ୟମରେ ସେମାନଙ୍କ କୌଣସି ବି ଅଭିଯୋଗକୁ ବିଏମସି ସମାଧାନ କରିବାକୁ ଚେଷ୍ଟା ଜାରି ରଖିଛି। ୬୬ ଟି ଆରଆରଟି ବା ରାପିଡ଼ ରେସ୍ପୋନ୍ସ ଟିମ ହୋମ ଆଇସୋଲେସନରେ ଥିବା କୋଭିଡ ପଜିଟିଭଙ୍କ ସ୍ବାସ୍ଥ୍ୟବସ୍ଥା ବିଷୟରେ ତଦାରଖ କରୁଛନ୍ତି। ୧୦,୦୦୦କୋଭିଡ ଆକ୍ରାନ୍ତ ହୋମ ଆଇସୋଲେସନରେ ରହିଛନ୍ତି । ସେଥିମଧ୍ୟରୁ ପ୍ରାୟ ୭ ହଜାର ସୁସ୍ଥ ହୋଇସାରିଛନ୍ତି। ରାଜଧାନୀର ବିଭିନ୍ନ ବସ୍ତିରେ କେସ ପ୍ରାୟ ୬୦୦ ଭିତରେ ସିମୀତ ରହିଛି।